Britandyq The Telegraph basylymy saiahatşylar ömırınde kem degende bır ret köruge tiıs tanymal 10 şöldıŋ tızımın jariialady. Qazaqstannyŋ Maŋǧystau öŋırı älemge äigılı Sahara, Atakama jäne Gobi siiaqty mekendermen qatar ataldy, dep habarlaidy "Adyrna".
Maqala avtory Sara Marşall Maŋǧystaudyŋ tabiǧatyn özge planetanyŋ körınısıne teŋeidı. Basylym Bozjyra şatqaly men Üstırt platosynyŋ erekşelıgın jazǧan.
«Bız mūhit tübınde ne jatqanyn tolyq bılmeimız, bıraq Qazaqstandaǧy Üstırt platosynyŋ borly mūnaralary men äktas iırımderın körgende, mūhit tabanynyŋ qandai bolatynyn anyq elestetuge bolady», - dep sipattaǧan avtor.
The Telegraph Maŋǧystaudy «geologiialyq ǧajaiyptardyŋ qazynasy» dep atap, onyŋ basty erekşelıkterın tızıp körsettı. Onyŋ ışınde aq borly jartasy men alyp qūzdary üilesken Bozjyra şatqaly, tabiǧattyŋ özı qaşaǧan jūmbaq domalaq tastar - şarlar alqaby, jartastardyŋ arasynda ornalasqan köne jerasty meşıtterı atalǧan.
«Kaspii jaǧalauyndaǧy būl körkem de jabaiy tabiǧatqa tek mūnaily astana Aqtaudan jol talǧamaityn kölıkpen, kedır-būdyr jolmen jetuge bolady. Qazırgı uaqytta öŋırde turizmdı damytu josparlanyp jatyr. Ükımet temırjol stansiialaryna, jaŋa äuejai men köptegen kurorttyq aimaqtardyŋ qūrylysyna investisiia qūiyp jatyr», - dep jazylǧan basylymda.
Avtor būl öŋırge turister qaptamai tūrǧanda baryp, körıp qaluǧa keŋes bergen.
