"Palau ortalyǧynda" bolǧan jarylystan qaza tapqandar sany jetıge jettı, dep habarlaidy "Adyrna" ūlttyq portaly.
Densaulyq saqtau basqarmasynyŋ mälımetınşe, qaiǧyly oqiǧa kezınde qaza tapqandar sany 7 adamǧa jetken. Olardyŋ beseuı oqiǧa ornynda köz jūmsa, taǧy ekeuı 26 aqpanda jansaqtau bölımınde qaitys bolǧan. Qaza bolǧandardyŋ arasynda 16 jastaǧy qyz bar.
Aldyn ala mälımet boiynşa, 15 adam auruhanaǧa jatqyzylǧan. Qazırgı uaqytta stasionarlyq em qabyldap jatqan nauqastar sany – 13. Taǧy 6 adam därıgerler tekseruınen ötıp, qajettı kömek alǧannan keiın ambulatorlyq emge jıberılgen.
Därıgerlerdıŋ aituynşa, zardap şekkenderdıŋ basym bölıgı ärtürlı deŋgeidegı küiık alǧan. Olardyŋ jaǧdaiy mamandardyŋ tūraqty baqylauynda.
Oqiǧa ornynda şūǧyl medisinalyq kömek körsetu üşın oblys ortalyǧynan qosymşa medisina qyzmetkerlerı tartylyp, üş anesteziolog-reanimatolog brigadasy jūmyldyrylǧan.
Qazırgı uaqytta jarylystyŋ sebepterı anyqtalyp jatyr. Tergeu jūmystary jalǧasuda.
