Qazaqstan Prezidentı Qasym-Jomart Toqaev İrannyŋ ūşqyşsyz ūşu apparattary Nahchyvan qalasyndaǧy äuejaidy atqylauyna bailanysty öz ūstanymyn bıldırdı, dep habarlaidy "Adyrna" ūlttyq portaly.
Būl turaly Prezidenttıŋ baspasöz hatşysy Aibek Smadiiar habarlady.
Memleket basşysy bauyrlas ärı odaqtas Äzerbaijan elıne qarsy jasalǧan ärekettı qataŋ aiyptaitynyn mälımdedı. Prezidenttıŋ aituynşa, bolǧan oqiǧanyŋ barlyq män-jaiy İran tarapymen bırlesıp jan-jaqty tergeluı tiıs.
Sondai-aq Qasym-Jomart Toqaev būl jaǧdai ekı el arasyndaǧy qarym-qatynasqa kerı äser etpeuı qajet ekenın atap öttı. Prezident aimaqtaǧy tūraqtylyqty saqtau üşın tuyndaǧan mäsele diplomatiialyq täsılder arqyly şeşıledı degen senım bıldırdı.
Aqordanyŋ mälımetınşe, Qazaqstan aimaqtaǧy qauıpsızdık pen tūraqtylyqty saqtaudy maŋyzdy dep sanaidy jäne barlyq dauly mäselelerdı beibıt jolmen şeşudı qoldaidy.
İran aumaǧynan ūşyrylǧan ūşqyşsyz ūşu apparaty 5 nauryz künı Äzerbaijannyŋ Nahichevan äuejaiyna qūlaǧan bolatyn. Saldarynan bırneşe adam qaza tapty.
