«Baiqoŋyrda» zaqymdanǧan ūşyru keşenı qalpyna keltırıldı, dep habarlaidy "Adyrna" ūlttyq portaly.
Baiqoŋyr ǧaryş ailaǧy aumaǧyndaǧy 31-şı ūşyru alaŋyndaǧy qyzmet körsetu kabinasy jöndelıp, tolyq qalpyna keltırıldı. Būl turaly Roskosmos habarlady.
Atalǧan nysan ötken jyldyŋ qaraşa aiynda Soiuz MS‑28 zymyran-tasyǧyşy ūşyrylǧannan keiın zaqymdanǧan. Ūşu sättı ötkenımen, start üstelınıŋ keibır elementterınıŋ bülıngenı anyqtalǧan.
Vedomstvo mälımetınşe, jöndeu barysynda barlyq bekıtu toraptary jaŋasyna auystyrylyp, elektr jabdyqtary tolyq jaŋartylyp jäne rettelgen. Sonymen qatar qyzmet körsetu kabinasynyŋ mehanizmderı tekserılıp, tehnikalyq qyzmet körsetılgen. Jöndeu kezınde 250 metrden astam dänekerleu jūmystary jürgızılgen.
Qazır keşen kelesı ūşyrylymǧa daiyndalyp jatyr. 22 nauryzda Progress MS‑33 jük ǧaryş kemesın ūşyru josparlanǧan.
