Almaty qalasynyŋ jetekşı joǧary oqu oryndary men ǧylymi orta ökılderı qala tūrǧyndaryna ündeu jasap, aldaǧy respublikalyq referendumǧa qatysuǧa şaqyrdy.
Bastamany ǧalymdar, akademikter, jas ǧalymdar, oqytuşylar, professor-oqytuşylar qūramy, joǧary oqu oryndarynyŋ qyzmetkerlerı, sondai-aq studentter qauymy qoldady.
Akademiialyq orta ökılderınıŋ aituynşa, referendumǧa qatysu – azamattardyŋ azamattyq jauapkerşılıgınıŋ jäne eldıŋ qoǧamdyq-saiasi ömırıne belsendı aralasuynyŋ maŋyzdy körınısı. Qazaqstan Respublikasy Ūlttyq ǧylym akademiiasynyŋ prezidentı Aqylbek Kürışbaev aldaǧy dauys berudıŋ maŋyzdylyǧyn erekşe atap öttı.
«Jaŋa Konstitusiia – strategiialyq damudyŋ joly. Qazır būlşyqettıŋ emes, aqyl-oidyŋ bäsekesı jüretın uaqyt. Men elımızdıŋ bolaşaǧy üşın dauys beremın» deidı ol.
Qazaqstan Respublikasy Ūlttyq ǧylym akademiiasynyŋ vise-prezidentı Asqar Jūmadıldaev ta azamattardy bırlıkke şaqyryp, referendumnyŋ maŋyzyn atap öttı. Ol: «El ömırınde ülken oqiǧa – referendum ötpek. Barşaŋyzdy bırıgıp, oǧan qatysuǧa şaqyramyn» deidı.
Joǧary oqu oryndarynda mūndai maŋyzdy oqiǧalar är azamatqa memleket damuyna qatysty öz ūstanymyn bıldıruge mümkındık beretını aityluda. Oqytuşylardyŋ aituynşa, universitetter dästürlı türde jastardyŋ belsendı azamattyq ūstanymyn qalyptastyratyn alaŋ bolyp tabylady, al studentterdıŋ qoǧamdyq maŋyzy bar üderısterge qatysuy dialog mädenietın jäne el bolaşaǧyna jauapkerşılık sezımın damytuǧa yqpal etedı. Osy oraida
äl-Farabi atyndaǧy Qazaq ūlttyq universitetı rektory:
Janseiıt Tüimebaev “Būl konstitusiialyq normalar jaŋa serpın berıp, qoǧamdyq kelısımnıŋ jarqyn körınısıne ainalady», – dep atap öttı.
Qazırgı uaqytta Almatynyŋ barlyq joǧary oqu oryndarynda aldaǧy referendumǧa arnalǧan kezdesuler, talqylaular jäne tüsındıru jūmystary ötkızılıp jatyr. Universitet qauymdastyǧy qala tūrǧyndaryn beijai qalmai, dauys beru künı sailau uchaskelerıne keluge şaqyrady.
Olardyŋ pıkırınşe, referendumǧa qatysu – ärbır azamattyŋ maŋyzdy şeşımder qabyldauǧa öz ülesın qosyp, özınıŋ azamattyq ūstanymyn bıldıru mümkındıgı.
