Bas prokuratura sot sanksiiasynsyz ūstau merzımın 72 saǧattan 48 saǧatqa qysqartu turaly ūsynysty qoldamady, dep habarlaidy “Adyrna” ūlttyq portaly.
Būl turaly Konstitusiialyq komissiianyŋ ekınşı otyrysynda Bas prokurordyŋ orynbasary Jandos Ömıraliev mälımdegen.
Onyŋ aituynşa, Konstitusiiada adam men azamattyŋ qūqyqtary men bostandyqtaryna qatysty negızgı kepıldıkter qazırdıŋ özınde bekıtılgen. Al ūstaudyŋ naqty 48 saǧattyq merzımın jäne ony erekşe jaǧdailarda ūzartu negızderın Ata zaŋda naqtylau artyq bolmaq.
«Qoldanystaǧy tergeu-sot täjıribesı küdıktılerdı 24–36 saǧat ışınde bosatuǧa mümkındık berıp otyr. Al naqty merzımdı Konstitusiiada bekıtu bolaşaqtaǧy reformalardy qiyndatady», – dedı Jandos Ömıraliev.
Ol aldaǧy uaqytta ūstau merzımın odan ärı qysqartu qajettılıgı tuyndasa, Konstitusiiaǧa özgerıs engızu kürdelı räsımderden ötudı talap etetının, būl zaŋnamanyŋ ikemdılıgın şekteitının atap öttı.
Sonymen qatar Bas prokuratura Konstitusiiada basqa da qūqyqtyq normalardy bekıtudı qoldaitynyn jetkızdı. Atap aitqanda, küdıktıge qūqyqtary men aiyp taǧu negızderı tüsındırılmegen jaǧdaida tergeu äreketterın zaŋsyz dep tanudy közdeitın Miranda qaǧidatyn engızu bastamasy qoldau tapty.
Sondai-aq, adam ūstalǧan sätten bastap advokattyŋ mındettı türde qatysuy qajet ekenı aityldy.
«Adamǧa küdıktı märtebesı berılgen alǧaşqy sätten bastap onyŋ bılıktı qorǧauǧa qūqyǧy qamtamasyz etıluı tiıs. Ökınışke qarai, täjıribede köptegen azamattar öz qūqyqtaryn tolyq bıle bermeidı», – dedı Bas prokurordyŋ orynbasary.
