Ūrpaq tärbiesınde önege körsetıp kele jatqan būl äulettıŋ altyn dıŋgegı – «Altyn alqa» iegerı, köpbalaly ana Duldai Sarhad. Ardaqty ana 9 ūl, 4 qyz tärbielep ösırıp, bügınde 41 nemere, 32 şöbere süiıp otyr.
Adiiattar äuletı – elge eŋbegımen tanylǧan, bılım men eŋbekke erekşe män beretın önegelı otbasy. Äulet qūramynda 19 ūstaz ben 3 därıger halyqqa qyzmet etude. Sonymen qatar käsıpkerlık, auyl şaruaşylyǧy, sport jäne bılım salasynda tabysty eŋbek etıp jürgen azamattar köp.
Äulettıŋ nemerelerı de türlı salalarda jetıstıkke jetıp, respublika jäne halyqaralyq deŋgeidegı jarystardyŋ jeŋımpazdary atanyp jür.
Bügın Adiiattar otbasy el bolaşaǧyna beijai qaramai, referendumǧa otbasymen kelıp dauys berıp, azamattyq belsendılıktıŋ ülgısın körsettı.
Äulettıŋ ūiytqysy Sarhad äjei öz pıkırınde:
«Qazaq elı – älemdegı eŋ beibıt, berekesı tasyǧan baqytty el. Men osynşama nemere-şöberemmen bırge referendumǧa kelgenıme Allaǧa myŋ da bır şükırlık etemın. Osy ūrpaǧymnyŋ bolaşaǧy jarqyn bolsyn dep dauys beruge keldım. “Elu jylda – el jaŋa” degendei, Jaŋa Qazaqstannyŋ jaŋa zaŋy qaita pysyqtalyp jatyr. Bız äuletımızben būl özgerıstı qoldaimyz», – dedı.
