14 nauryzda Qyrǧyz Respublikasynyŋ Joǧary keŋesınıŋ (Jogorku Keŋeşı) deputaty ärı būrynǧy Qyrǧyzstan Ūlttyq qauıpsızdık memlekettık komitetı (ŪQMK) töraǧasy Qamşybek Taşievtıŋ ınısı Şairbek Taşiev öz erkımen deputattyq mandatynan bas tartty.
Qyrǧyzstannyŋ Ortalyq sailau komissiiasy onyŋ jeke ötınışı negızınde deputattyq ökılettıgın merzımınen būryn toqtatty. Komissiianyŋ resmi saitynda jariialanǧan aqparatqa säikes, osydan keiın deputattyq kuälıgı jaramsyz dep tanylǧan.
Şairbek Taşiev sailauşylarǧa joldaǧan ündeuınde būl şeşımnıŋ oǧan oŋai timegenın aitty. Onyŋ sözınşe, ol memleket müddesı men halyq senımın basşylyqqa alyp, eldegı saiasi tūraqtylyq pen qoǧamdaǧy tynyştyq üşın osyndai qadam jasauǧa mäjbür bolǧan. Sonymen qatar soŋǧy uaqytta äleumettık jelılerde özı men otbasy turaly jalǧan aqparattar men jala keŋınen taralyp, jaqyndarynyŋ tynyştyǧyna äser etkenın atap öttı.
Oqiǧalar aldynda, 13 nauryz künı Şairbek Taşiev Qyrǧyzstan Işkı ıster ministrlıgınıŋ Bas tergeu basqarmasyna jauap beruge şaqyrylǧan. Alaida onyŋ qandai ıs boiynşa şaqyrylǧany resmi türde jariialanǧan joq.
Būl jaǧdai internette bırneşe kompromat materialdardyŋ taraluymen qatar jürdı. Äleumettık jelılerde onyŋ kazinoda 1,32 million dollardan astam qarjy ūtylǧany turaly video tarady. Keibır derekterde qaryzdyŋ bır bölıgın qylmys älemınde bedeldı tūlǧa sanalatyn Kamchy Kolbaev ötegenı aitylǧan. Būdan bölek, mūnai bazasyn satyp alu, Pepsi zauytyn salu jobasy jäne jūbaiyna qymbat syilyqtar beru turaly aqparattar da jariialanǧan.
Aita ketu kerek, aqpan aiynda Qamşybek Taşiev ŪQMK töraǧasy qyzmetınen ketkennen keiın Şairbek Taşiev mandatynan bas tartpaitynyn aityp, «qorqaqtardyŋ qatarynan emespın» dep mälımdegen bolatyn.
Qyrǧyzstandaǧy būqaralyq aqparat qūraldary men äleumettık jelılerde būl oqiǧaǧa qatysty pıkırler ekıge bölındı. Keibır qoldanuşylar deputat mandatyn tapsyru kompromat videolar men tergeu qysymynan keiın bolǧanyn aityp, mūny Taşievtıŋ ainalasyndaǧy adamdardy «tazalau» dep baǧalady. Al basqalary būl şeşımdı qoldap, osyndai kölemdegı aiyptaulardan keiın onyŋ qyzmetten ketkenı dūrys bolǧanyn aitady.
