Kabul qalasynda bolǧan äue şabuyly saldarynan jüzdegen adam qaza tapqany turaly aqparat tarady, dep habarlaidy "Adyrna" ūlttyq portaly VVS-ge sıltep.
Auǧanstan bilıgınıŋ ökılı Hamdulla Fitrat mälımdeuınşe, soqqy düisenbı künı keşkı saǧat 21:00 şamasynda jasalǧan. Nysana – esırtkıge täueldı adamdardy oŋaltuǧa arnalǧan memlekettık auruhana bolǧan.
Aldyn ala derekter boiynşa, şabuyl saldarynan kemınde 400 adam qaza tauyp, taǧy 250-ge juyq adam jaralanǧan. Ǧimarattyŋ edäuır bölıgı qirap, ört şyqqan.
Oqiǧa ornynda qūtqaru qyzmetterı jūmys ıstep, örttı söndıru jäne zardap şekkenderdı ızdeu jūmystaryn jürgızgen. Kuägerlerdıŋ aituynşa, auruhanadan ondaǧan adamnyŋ mäiıtı şyǧarylǧan. Atalǧan ortalyq şamamen 2000 adamǧa arnalǧany belgılı. Sol sebeptı zardap şekkender sany būdan da köp boluy mümkın degen boljam bar.
Alaida BBC būl mälımetterdı täuelsız derekközder arqyly älı tolyq rastamaǧanyn habarlady.
Öz kezegınde Päkıstan bilıgı medisinalyq mekemege soqqy jasalǧanyn joqqa şyǧaryp otyr. Resmi mälımdemede äue operasiiasy tek äskeri nysandar men laŋkestık infraqūrylymǧa qarsy baǧyttalǧany aitylǧan.
