Memleket basşysy Qasym-Jomart Toqaev İzrail prezidentı İshak Gersogpen telefon arqyly söilestı. Būl turaly Aqorda jazdy, dep habarlaidy «Adyrna» tılşısı.
İzrail prezidentı memleket basşysyn jalpyūlttyq referendumnyŋ tabysty ötuımen jäne Qazaqstannyŋ jaŋa Konstitusiiasy qabyldanuymen qūttyqtady.
Äŋgımelesu barysynda prezidentter ekı el arasyndaǧy yntymaqtastyqtyŋ qazırgı jai-küiı men keleşektegı damu perspektivasyn, äsırese, sauda-ekonomikalyq jäne investisiialyq yqpaldastyqty keŋeitu mäselelerın talqylady.
İshak Gersog Qasym-Jomart Toqaevtyŋ barlyq memleket ūzaqmerzımdı ekonomikalyq damu josparyn jüzege asyruy üşın beibıtşılık qajet degen pıkırımen kelısetının jetkızdı.
Qazaqstan prezidentı halyqaralyq dauly mäselelerdıŋ saiasi şeşımın ūdaiy ızdestıru kerek dep sanaidy.
İzrail prezidentı Qazaqstannyŋ İbrahim kelısımderıne qosylu turaly şeşımın joǧary baǧalady. Onyŋ pıkırınşe, būl Taiau Şyǧysta beibıtşılık ornatu mäselesıne strategiialyq tūrǧydan qaraudyŋ ülgısı bolmaq.
