Ūlybritaniia qazaqstandyq mūnaimen operasiialar jürgızuge, onyŋ ışınde Resei aumaǧy arqyly tranzitpen tasymaldauǧa mümkındık beretın arnaiy lisenziia berdı. Būl turaly Tengrinews.kz habarlaidy. Lisenziiany Ūlybritaniia Qarjy ministrlıgınıŋ Qarjylyq sanksiialardy ıske asyru basqarmasy (OFSI) bergen, dep habarlaidy "Adyrna".
Ekonomika nemese halyqaralyq sauda üşın qajet bolǧan jaǧdaida, qoldanystaǧy sanksiialarǧa qaramastan jekelegen operasiialardy jürgızuge mümkındık beretın bas lisenziialardy däl osy OFSI bere alady.
Qūjatqa säikes, qazaqstandyq mūnaidy jetkızuge, satyp aluǧa, tasymaldauǧa jäne jetkızıp beruge bailanysty operasiialarǧa, sonyŋ ışınde tölemderdı jürgızuge rūqsat etıledı.
Būl rette basty şarttar bar:
- mūnai Qazaqstannan şyqqan boluy tiıs;
- ol Reseimen bailanysy bar tūlǧalarǧa tiesılı bolmauy kerek;
- mūnaidyŋ Resei aumaǧynda tieluıne, jöneltıluıne nemese sol el arqyly tranzitpen ötuıne jol berıledı.
Is jüzınde būl atalǧan talaptar saqtalǧan jaǧdaida, qazaqstandyq mūnaidy Resei infraqūrylymy arqyly tasymaldau sanksiialyq şekteulerge jatpaitynyn bıldıredı.
Lisenziiada reseilık "Transneft" kompaniiasy men onyŋ enşıles qūrylymdary sanksiiada bolǧanyna qaramastan, rūqsat olardyŋ qatysuymen ötetın operasiialarǧa da qoldanylatyny bölek körsetılgen. Būl öte maŋyzdy, sebebı qazaqstandyq mūnaidyŋ edäuır bölıgı däl osy reseilık qūbyrlar arqyly eksporttalady.
Ūlybritaniialyq qarjy ūiymdaryna mūndai mämıleler boiynşa tölemderdı öŋdeuge rūqsat berıldı. Sonymen qatar, barlyq qatysuşy operasiialar boiynşa tolyq qūjattamany kemınde alty jyl boiy saqtauǧa mındettı. Lisenziianyŋ sanksiialardy jalpylama türde joimaityny jäne tek qataŋ belgılengen şarttar aiasynda ǧana äreket etetını erekşe atap ötılgen.
Lisenziia sanksiialardy tolyq alyp tastamai, tek naqty şarttar boiynşa ǧana äreket etuge mümkındık beredı. Qazaqstan üşın būl öte maŋyzdy, öitkenı mūndai rūqsattarsyz jetkızılımder sanksiialyq şekteulerge ılınuı mümkın edı. Lisenziia 2026 jylǧy 19 nauryzdan bastap küşıne enedı jäne 2028 jylǧy 18 nauryzǧa deiın jaramdy.
