Ulybrıtanııa syrtqy ister mınıstri Devıd Kemeron 23 sáýirde Ózbekstanǵa resmı saparmen barady, dep habarlaıdy "Adyrna" tilshisi Gazeta.uz-ǵa siltep.
Kemeron men Ózbekstan Syrtqy ister mınıstrliginiń basshysy Bahtııor Saıdov arasynda kelissózder júrgiziledi. BAQ-ta taraptardyń aımaqtyq qaýipsizdik pen klımattyń ózgerýine qatysty jaǵdaıdy qosa alǵanda, negizgi máseleler boıynsha tyǵyz yntymaqtastyqty talqylaıtyny aıtyldy.
Sonymen qatar, SIM bilim, saýda jáne iskerlik qarym-qatynastardy damytýǵa brıtandyqtardyń kóbirek qatysýy taqyrybyn qozǵaıdy.
Ulybrıtanııa syrtqy ister mınıstri Ortalyq Azııaǵa resmı sapary aıasynda barlyq bes postkeńestik respýblıka men Mońǵolııaǵa barýdy kózdep otyr. Onyń Qazaqstanǵa sapary 24-25 sáýirge josparlanýda.
Eýropalyq eldiń Syrtqy ister mınıstrliginiń ókilderi saıasatkerdiń saparynyń basty maqsaty ekonomıka men bilim salasyndaǵy áriptestikti keńeıtý, sondaı-aq aımaq memleketteriniń táýelsizdigin nyǵaıtý máseleleri ekenin atap ótti.
Ózbekstandyq BAQ Ulybrıtanııanyń syrtqy ister mınıstrligi Tashkentke eń sońǵy ret 1997 jyly kelgenin habarlady. Ol kezde mınıstr laýazymynda Malkolm Rıfkınd bolǵan.
