Biyl Kökşetau öŋırdıŋ mädeni ortalyǧy retındegı märtebesın taǧy bır märte däleldep, Nauryz merekesın jarqyn ärı mazmūndy ıs-şaralar legıne ainaldyrdy. Bır mezette «Qara jorǧa» biın jappai oryndau jäne «bes asyq» ūlttyq oiynyn qatar oinau boiynşa ekı bırdei jetıstık Qazaqstan rekordtar kıtabyna endı. Sonymen qatar, qalada 50 taqyryptyq kiız üiden tūratyn bıregei joba jüzege asyryldy.
Eŋ äserlı sätterdıŋ bırı – «Qara jorǧa» biınıŋ jappai oryndaluy boldy. Bır alaŋda 2 myŋnan astam er azamat – aqsaqaldar, ziialy qauym ökılderı, eŋbek ūjymdary, äskeri qyzmetşıler, sportşylar men jastar bır yrǧaqta bi biledı. Ūlttyq şapan kigen qatysuşylardyŋ üilesımdı qimyly ūrpaqtar sabaqtastyǧynyŋ simvolyna ainalyp, qoǧamdyq bırlıktıŋ jarqyn körınısın körsettı.
Sonymen qatar öŋır taǧy bır rekord ornatty: 1500 mektep oquşysy bır uaqytta «bes asyq» oiynyn oinady. Būl auqymdy şara jas ūrpaqtyŋ ūlttyq dästürler men mädeni mūraǧa degen qyzyǧuşylyǧynyŋ artyp kele jatqanyn aiqyn körsettı. Ekı jetıstık te resmi türde Qazaqstan rekordtar kıtabyna tırkelıp, ūiymdastyru deŋgeiınıŋ joǧary ekenın jäne tūrǧyndardyŋ belsendı qatysuyn däleldedı.
Merekelık şaralar 50 kiız üiden qūralǧan etnoauylmen jalǧasyn tapty. Ärbır kiız üi jeke mädeni keŋıstıkke ainalyp, qonaqtarǧa halyq qolönerı, salt-dästürler, ūlttyq taǧamdar men ädet-ǧūryptardy tanystyrdy. Sonymen qatar interaktivtı şeberlık sabaqtary men ūlttyq oiyndar ūiymdastyryldy. Erekşe nazar Kökşetaudyŋ tarihi joly men bügıngı damuyn körsetetın taqyryptyq körmelerge audaryldy.
Aqmola oblysynyŋ äkımı Marat Ahmetjanov nauryz meiramynyŋ bızdıŋ halqymyz üşın maŋyzyn aityp, qūttyqtau lebızın bıldırdı.
«Qasiettı Aqmola jerı – qaşanda eldıktıŋ tuy tıgılgen, bırlıktıŋ besıgı bolǧan, asyl önerdı baǧalaǧan daryndy tūlǧalar mekenı. Bügın alty jasar baladan alpys jastaǧy kərıge deiın er azamattarymyz «Qara jorǧa» biınıŋ keremet ülgısın, halqymyzdyŋ ruhani bailyǧyn, ruhyn paş etıp otyr.«Qara jorǧa» biı – ūlttyq bıregeilıgımızdıŋ aiǧaǧy. Būl bi – tek qimyl-qozǧalys emes.Ol – attyŋ jürısın, dalanyŋ erkındıgın jäne halyqtyŋ köŋıl-küiın suretteitın öner tuyndysy. Ǧasyrdan-ǧasyrǧa jalǧasyp kele jatqan halqymyzdyŋ kielı önerın qūrmettep, jaŋǧyrtu, ony keiıngı jas ūrpaqtyŋ sanasyna sıŋıru – bızdıŋ mındetımız» , dedı ol.»
Osylaişa, Kökşetauda ötken Nauryz merekesı ūlttyq dästürler men ortaq qūndylyqtar aiasynda öŋır tūrǧyndaryn bırıktırgen, ūrpaqtar sabaqtastyǧyn därıptegen maŋyzdy oqiǧaǧa ainaldy.
