Bügın, 27 nauryz künı Maŋǧystau oblysy äkımınıŋ bırınşı orynbasary Ashat Oralovtyŋ töraǧalyǧymen sybailas jemqorlyqqa qarsy ıs-qimyl mäselelerı jönındegı komissiia otyrysy öttı. Otyrysqa komissiia müşelerı, memlekettık organdardyŋ basşylary, qūqyq qorǧau jäne baqylauşy qūrylymdardyŋ ökılderı qatysty.
Kün tärtıbınde memlekettık organdar qyzmetındegı sybailas jemqorlyq täuekelderı jäne olardyŋ aldyn alu şaralary qaraldy. QR Memlekettık qyzmet ısterı agenttıgınıŋ Maŋǧystau oblysy boiynşa departamentı basşysynyŋ orynbasary Quanyş Ädılhanov baiandama jasap, anyqtalǧan zaŋbūzuşylyqtar, jüielı täuekelder jäne jürgızılıp jatqan profilaktikalyq jūmystardyŋ nätijelerın bölıstı.
Otyrys barysynda Ashat Oralov sybailas jemqorlyqqa qarsy küres memlekettık saiasattyŋ basym baǧyty ekenın, būl jüielı ärı prinsiptı täsıldı talap etetının atap öttı.
«Memleket basşysy Qasym-Jomart Toqaev sybailas jemqorlyqqa qarsy kürestı «Ädılettı Qazaqstandy» qūrudyŋ jäne «Zaŋ men Tärtıp» qaǧidatyn ornyqtyrudyŋ negızgı şarty dep aiqyndaidy. Prezident memlekettık satyp alu jüiesın reformalau, prosesterdı sifrlandyru jäne kvazimemlekettık sektordaǧy baqylaudy küşeitu boiynşa mındetter qoiyp otyr. Osyǧan bailanysty bız sybailas jemqorlyq täuekelderıne jol berılmeitın tiımdı ärı aşyq jüie qalyptastyruǧa mındettımız. Sybailas jemqorlyq – qoǧamnyŋ memleketke degen senımıne tıkelei qauıp. Bız tıptı bır ǧana faktıge köz jūma almaimyz. Ärbır basşy özınıŋ jeke jauapkerşılıgın tüsınuge tiıs», – dep atap öttı Ashat Oralov.
Keŋes qorytyndysy boiynşa Ashat Oralov qabyldanǧan ūsynymdardyŋ oryndaluyn qataŋ baqylau, qūqyqbūzuşylyqtardyŋ aldyn alu boiynşa baqylaudy küşeitu, memlekettık qyzmet pen memlekettık satyp alu salasyndaǧy sybailas jemqorlyq täuekelderın azaitu, zaŋnamanyŋ bırkelkı qoldanyluyn jäne belgılengen şekteulerdıŋ saqtaluyn qamtamasyz etu, sondai-aq jıberılgen qūqyqbūzuşylyqtar üşın basşylardyŋ jeke jauapkerşılıgın arttyru boiynşa naqty tapsyrmalar berdı.
Sonymen qatar memlekettık organdar qyzmetkerlerınıŋ qatysuymen tüsındıru jäne profilaktikalyq ıs-şaralar ūiymdastyru, sybailas jemqorlyqqa qarsy mädeniettı qalyptastyru baǧytyndaǧy jūmysty jandandyru tapsyryldy.
Osy tapsyrmalardyŋ oryndaluy erekşe baqylauda bolady, al öŋırde sybailas jemqorlyqtyŋ aldyn alu jūmystary jüielı ärı qaǧidatty türde jalǧasady.
