Reseimen şekaraǧa jaqyn ornalasqan Atyrau oblysynyŋ Qūrmanǧazy audanynda ūşqyşsyz ūşu apparatynyŋ synyqtaryna ūqsas zat tabyldy. Būl turaly «Aq Jaiyq» basylymy jazdy, dep habarlaidy "Adyrna".
Jergılıktı polisiia departamentınıŋ mälımetınşe, būl derek boiynşa tekserıs bastaldy. Mamandar qazır naqty ne tabylǧanyn jäne onyŋ qaidan kelgenın anyqtap jatyr.
«Ūşqyşsyz ūşu apparatynyŋ bölşekterıne ūqsas zattyŋ tabyluyna bailanysty uäkılettı qyzmettermen bırlesıp tekseru şaralary jürgızılude. Nysan dala aimaǧynan tabyldy, eşqandai zaqym men zardap şekkender joq. Oqiǧanyŋ barlyq män-jaiy anyqtaluda», – dep habarlady polisiia departamentı.
Eske sala keteiık, juyrda Batys Qazaqstan oblysynda ūşqyşsyz ūşu apparaty (ŪŪA) tabylǧan bolatyn. Dronnyŋ suretı äleumettık jelılerge taralyp kettı, bıraq qandai apparat ekenı jäne kımge tiesılı ekenı äzırge belgısız.
Byltyr küzde Batys Qazaqstan oblysynyŋ Börılı audanynda belgısız dron jarylyp, Qyzyltal auylynyŋ tūrǧyndary dür sılkındırgen edı.
Al jazda Maŋǧystau öŋırıne bes dron qūlaǧan. Syrtqy ıster ministrlıgı sol kezde oqiǧanyŋ män-jaiy anyqtalyp jatyr dep qysqa qaiyrǧan edı, bıraq naqty eşqandai mälımdeme jasalmady.
