AQŞ pen İzraildıŋ İranǧa qarsy soǧysy «aldaǧy 2–3 apta ışınde» aiaqtaluy mümkın. Būl turaly Aq üi basşysy Donald Tramp 1 säuırge qaraǧan tünı Aq üide jurnalistermen söilesu barysynda mälımdedı, dep habarlaidy «Adyrna» tılşısı.
Tramptyŋ aituynşa, Tegeranmen kelısım jasalmasa da, İranǧa qarsy şabuyldar toqtatylady.
«Olardyŋ rejimı özgerdı. Būl josparymda bolǧan emes. Men olardyŋ iadrolyq qaruǧa qol jetkızuıne jol bermeudı qaladym jäne būl maqsat oryndaldy. Bız jūmysty aiaqtap jatyrmyz. Menıŋ oiymşa, būl ekı aptaǧa sozylady, mümkın, taǧy bırneşe künge ūzarar. Bıraq bız olardyŋ qolyndaǧynyŋ bärın joiǧymyz keledı», — dedı Aq üi basşysy.
AQŞ prezidentı kelısımge qol jetkızılse, soǧys būdan da erterek aiaqtaluy mümkın ekenın aitty. Onyŋ sözınşe, İran bilıgı da mūny «qalaidy». Alaida Tramptyŋ pıkırınşe, kelısımnıŋ jasaluy nemese jasalmauy aitarlyqtai maŋyzdy emes.
Onyŋ aituynşa, amerikalyq jäne izraildık şabuyldar bastalǧannan keiın İran ūiymdastyrǧan Ormuz būǧazy arqyly, äsırese europalyq kemeler üşın engızılgen blokada basqa elderdıŋ mäselesı boluy tiıs.
«Eger Fransiia nemese kez kelgen basqa el mūnai ne gaz alǧysy kelse, olar Ormuz būǧazy arqyly ötıp, öz mäselesın özı şeşsın. Būǧazdaǧy jaǧdai bızge qatysy joq», — dedı ol.
AQŞ prezidentı Taiau Şyǧystaǧy soǧys pen Ormuz būǧazynyŋ jabyluyna bailanysty mūnai baǧasynyŋ 50%-ǧa kürt ösuıne de pıkır bıldırdı. Tramptyŋ aituynşa, AQŞ İranǧa jasalatyn şabuyldardy «öte jaqyn arada» toqtatqan soŋ baǧalar kürt tömendeidı.
