Memleket basşysy Qasym-Jomart Toqaev Saud Arabiiasy Koroldıgınıŋ Qazaqstandaǧy elşısı Faisal Äl-Kahtanidı qabyldady. Būl turaly Aqorda jazdy, dep habarlaidy «Adyrna» tılşısı.
Prezident elımızdıŋ Saud Arabiiasymen yntymaqtastyqty jan-jaqty nyǧaituǧa airyqşa män beretının aitty. Sondai-aq ol Mūhammed ben Salmandy Qazaqstanǧa memlekettık saparmen keluge şaqyratynyn rastady.
Faisal Äl-Kahtani öz elınıŋ Qazaqstanmen strategiialyq serıktestıktı odan ärı tereŋdetuge beiıl ekenın aitty. Ol jaqynda qol qoiylǧan İnvestisiialardy kötermeleu jäne özara qorǧau turaly kelısım, sondai-aq ekı el arasynda Koordinasiialyq keŋes qūru tiımdı bailanystardy jandandyruǧa jol aşatynyna nazar audardy.
Būdan bölek, diplomat Taiau Şyǧystaǧy kürdelı ahualǧa bailanysty Qazaqstan Prezidentınıŋ körsetken jan-jaqty qoldauyna Saud Arabiiasy basşylyǧynyŋ şynaiy rizaşylyǧyn jetkızdı. Sonymen qatar Qazaqstannyŋ bıtımgerlık kelıssözderdı kielı Türkıstan şaharynda ötkızu turaly bastamasynyŋ özektı ekenıne toqtaldy.
Qasym-Jomart Toqaev aimaqtyŋ tūraqtylyǧyn, qauıpsızdıgı men ornyqty damuyn qamtamasyz etu äreketterıne aldaǧy uaqytta da järdemdesuge äzırlıgın, sondai-aq Saud Arabiiasyna jäne Şyǧanaqtaǧy barlyq elderge tılektestıgın bıldırdı.
Kezdesu soŋynda prezident Qos kienıŋ saqşysy, Saud Arabiiasynyŋ Korolı Salman ben Äbdelaziz Äl Saudqa jäne Taq mūragerı, Premer-ministr Mūhammed ben Salman Äl Saudqa ystyq yqylasy men sälemın joldap, bauyrlas Saud Arabiiasy halqyna baq-bereke tıledı.
