Aqtau qalasynda «Aqtau International School» mektebınde QR Oqu-aǧartu ministrlıgı men Maŋǧystau oblysy bılım basqarmasynyŋ ūiymdastyruymen «Ädıstemelık qyzmettıŋ transformasiiasy: innovasiia, sapa, tiımdılık» taqyrybynda III respublikalyq ädıskerler forumy ötıp jatyr, dep habarlaidy Qoǧamdyq kommunikasiia ortalyǧy.
Is-şaranyŋ maqsaty - elımızdıŋ bılım beru salasyndaǧy ädıstemelık qyzmettıŋ özektı mäselelerın talqylau. Atalǧan forumǧa Maŋǧystau oblysy äkımınıŋ orynbasary Abbat Örısbaev, QR Oqu-aǧartu ministrlıgı Ybyrai Altynsarin atyndaǧy Ūlttyq bılım akademiiasynyŋ «Ǧylymi-ädıstemelık süiemeldeu» ortalyǧynyŋ direktory Dulat Amanjolov, oblystyq bılım basqarmasynyŋ qyzmetkerlerı, oblystyq ortalyqtardyŋ basşylary, audan, qala boiynşa bılım bölımınıŋ, oqu-ädıstemelık ortalyqtarynyŋ basşylary, Maŋǧystau oblysynan jäne basqa öŋırlerden 450-ge juyq ädıskerler men mektep ūstazdary qatysty.
Maŋǧystau oblysy äkımınıŋ orynbasary Abbat Örısbaev ädıskerlerdı forumnyŋ bastaluymen qūttyqtady.
-Bügıngı künde sızder öz täjıribelerıŋızdı bölısıp, jaŋa ädıstemelerdı talqylap, bılım salasyn odan ärı damytuǧa üles qosasyzdar. Mūndai kezdesuler jaŋa ideialarǧa jol aşady, şyǧarmaşylyq oilaudy arttyrady jäne bılım beru sapasyn joǧarylatuǧa mümkındık beredı. Forum sızderge şabyt bersın, pıkırtalastar jemıstı, ūsynystaryŋyz naqty nätijelerge jetsın. Barlyqtaryŋyzǧa sättılık pen tabys tıleimın!, - dedı Abbat Örısbaev
QR Oqu-aǧartu ministrlıgı Ybyrai Altynsarin atyndaǧy Ūlttyq bılım akademiiasynyŋ «Ǧylymi-ädıstemelık süiemeldeu» ortalyǧynyŋ direktory Dulat Amanjolov forumda ädıstemelık ortalyqtardyŋ tiımdılıgın arttyruǧa arnalǧan ūsynystar qarastyrylatynyn aitty.
-Bügıngı ıs-şarada ädıstemelık ortalyqtardyŋ jūmysyn jetıldıru joldary qarastyrylyp, olardyŋ tiımdılıgın arttyruǧa baǧyttalǧan naqty ūsynystar äzırlenedı. Forum ekı künge josparlanǧan. Onyŋ aiasynda plenarlyq bölım jäne jetı baǧyt boiynşa seksiialyq otyrystar ötedı. Seksiialyq otyrystar barysynda qatysuşylar täjıribe almasyp, zamanaui täsılderdı talqylaidy, - dedı Dulat Amanjolov.
