Almatyda poliseiler qarapaiym kiımmen, azamattyq kölıktermen jürıp, qūqyq būzuşylardy anyqtap, aqparatty jaqyn maŋdaǧy ekipajdarǧa beredı, dep habarlaidy "Adyrna"
Almaty qalasynda “STOP būzuşylyq” taqyrybynda auqymdy jedel aldyn alu ıs-şarasy aiasynda joldarda jasyryn patruldeu formaty engızıldı.
Negızgı maqsat – jol qozǧalysy erejelerın öreskel būzu derekterın anyqtau, äsırese agressivtı jürgızu faktılerın äşkereleu. Olardyŋ qatarynda kürt jolaq auystyru, "şahmat" täsılımen jüru, basqa kölıkterdı qysyp ötu jäne apattyq jaǧdailar tuyndatu sekıldı qauıptı äreketter bar.
Atalǧan qūqyq būzuşylyqtardy tırkei otyryp, jasyryn patrulder aqparatty naqty uaqyt rejimınde jaqyn maŋdaǧy patruldık polisiia ekipajdaryna joldaidy. Keiın sol ekipajdar kölıktı toqtatyp, jürgızuşını zaŋnamada belgılengen tärtıppen jauapkerşılıkke tartady.
Būl täjıribe özınıŋ tiımdılıgın körsettı. Tek ötken demalys künderınıŋ özınde Almaty qalasynda agressivtı jürgızudıŋ 28 deregı anyqtalyp, joly kesıldı. Barlyq qūqyq būzuşy jauapkerşılıkke tartyldy.
PD mälımetınşe, jasyryn patruldeudı engızu jürgızuşılerdıŋ tärtıbın arttyruǧa jäne jol-kölık oqiǧalarynyŋ aldyn aluǧa, äsırese qauıptı jürgızu mänerınen tuyndaityn apattardyŋ sanyn azaituǧa baǧyttalǧan.
"Jasyryn patruldeu – közge bırden tüse bermeitın öreskel qūqyq būzuşylyqtardy anyqtaudyŋ tiımdı qūraly. Polisiia qyzmetkerlerı jalpy kölık aǧynynda jürıp, jürgızuşılerdıŋ naqty mınez-qūlqyn baqylaidy. Äsırese agressivtı jürgızu – "şahmat" täsılımen jüru, kürt manevr jasau jäne özge de qauıptı äreketter basty nazarda. Mūndai faktıler jedel türde jaqyn maŋdaǧy ekipajdarǧa jetkızılıp, tiıstı şaralar qabyldanady. Bızdıŋ mındet – tek jauapkerşılıkke tartu ǧana emes, qauıpsız jürgızu mädenietın qalyptastyru", – dedı PD äkımşılık polisiia basqarmasynyŋ bastyǧy Abdinur Tasybaev.
