Ūlytau oblysynda tūrǧyn üi qoryn jaŋǧyrtuǧa baǧyttalǧan auqymdy renovasiia baǧdarlamasy ıske qosyldy. Joba aiasynda investorlar qarajatynyŋ qoldauymen Jezqazǧan, Sätbaev jäne Qarajal qalalarynda apatty dep tanylǧan üiler kezeŋ-kezeŋımen sürılıp, olardyŋ ornyna zamanaui tūrǧyn üi keşenderı boi kötermek.
Qazırgı taŋda oblys ortalyǧy – Jezqazǧan qalasyndaǧy Abai köşesınde ornalasqan tört tūrǧyn üi qorşauǧa alynyp, daiyndyq jūmystary jürgızılude. Aldaǧy on kün ışınde olardy sürıp, jaŋa qūrylys jūmystary bastalmaq. Būl bastama otandyq investorlardyŋ qoldauymen jüzege asyryluda. Atalǧan aumaqta komfort sanatyndaǧy bes qabatty ekı tūrǧyn üi salu josparlanǧan. Sonymen qatar, aulalar tolyq abattandyrylyp, zamanaui jedelsatylar ornatylady.
Sätbaev qalasyndaǧy apatty üiler boiynşa da jūmystar aldaǧy bır ai ışınde bastalady dep kütılude.
Aita ketu kerek, tozyǧy jetken tūrǧyn üi qoryn jaŋartu maqsatynda Ūlytau oblysynyŋ äkımdıgı qytailyq kompaniialarmen yntymaqtastyq ornatyp, tiıstı memorandumdarǧa qol qoiǧan bolatyn. Sonyŋ nätijesınde şeteldık investisiialar tartylyp, 40-qa juyq eskı üidıŋ ornyna köpqabatty zamanaui tūrǧyn üiler salu josparlanyp otyr.
Jalpy alǧanda, oblys boiynşa 120 tūrǧyn üi apatty dep tanylǧan. Osy mäselenı jüielı türde şeşu maqsatynda renovasiia baǧdarlamasyn ıske asyruǧa uäkılettı ūiym retınde «Ūlytau» äleumettık-käsıpkerlık korporasiiasy aiqyndaldy. Korporasiia barlyq 120 üidı kezeŋ-kezeŋımen jaŋǧyrtu üşın investorlar tartu jūmystaryn jalǧastyruda.
