Qazaqstan mitropoliialyq okrugı būrynǧy ieromonah İakov Voronsovqa qatysty qylmystyq qudalau turaly habardar ekenın aitty, dep habarlaidy «Adyrna» tılşısı Bes.media-ǧa sılteme jasap.
Protoierei Aleksandr Suvorov jurnalistergge bergen jauabynda «qylmystyq ısterge bailanysty şırkeu qūrylymdary qūqyq qorǧau organdaryna nemese Voronsovtyŋ özıne qysym körsettı» degen kez kelgen mälımdemenı üzıldı-kesıldı joqqa şyǧardy.
«Būǧan qarama-qarsy barlyq mälımdeme şyndyqqa säikes kelmeidı», — delıngen habarlamada.
İakov Voronsov — Orys pravoslavie şırkeuınıŋ Astana jäne Almaty eparhiiasynyŋ būrynǧy ieromonahy. Ol Ukrainadaǧy soǧysqa qarsy mälımdemelerımen jäne Resei pravoslav şırkeuın ünemı synaitynymen tanymal bolǧan edı.
Soŋǧy jyldary Voronsov Mäskeu patriarhatyna baǧynbaityn şırkeu qūruǧa ärekettengen edı. Alaida ol Ädılet ministrlıgınen rūqsat ala almady. Ötken qysta būrynǧy ieromonah būl şeşımdı sotta daulaǧan, bıraz uaqyttan keiın ol qamauǧa alyndy.
Qūqyq qorǧau organdary Voronsovqa Qylmystyq kodekstıŋ ekı baby boiynşa aiyp taqty: 302-bap (esırtkı pritonyn ūstau) jäne 296-bap (ötkızu maqsatynsyz esırtkını saqtau). Al būrynǧy dın qyzmetkerınıŋ özı özıne qarsy tergeu qoldan jasalǧanyn mälımdeidı.
Aita ketu kerek, mitropoliialyq okrug Voronsovtyŋ bastamasyna terıs qaraǧan. Olardyŋ pıkırınşe, Qazaqstandaǧy pravoslavie şırkeuı – RPS qūramynyŋ bır bölıgı jäne odan bölek ömır süre almaidy.
«Kanondyq iurisdiksiiadan tys (sonyŋ ışınde basqa patriarhatqa jügınu arqyly) parallel şırkeu qūrylymyn qūruǧa baǧyttalǧan kez kelgen äreket jıkke bölınu retınde baǧalanady», — dep atap öttı eparhiia ökılderı.
Sondai-aq olar pravoslavie dının ūstanuşylardy mūndai bastamalardy qoldamauǧa şaqyryp, «olarǧa qol qoiu nemese qatysu jıkşıldıkke ortaqtasu retınde qarastyrylatynyn» eskerttı.
