Esırtkı qylmysyna qarsy ıs-qimyl komitetınıŋ töraǧasy Daniiar Meiırhan qyzmetınen şettetıldı. Būl turaly Işkı ıster ministrlıgı aitty, dep habarlaidy «Adyrna» tılşısı.
Būǧan deiın jelıde Meiırhanǧa qatysty qylmystyq ıs qozǧalǧany turaly aqparat taraǧan edı.
Ministrlıktıŋ mälımetınşe, bırqatar qyzmetkerdıŋ ötınışı boiynşa material belgılengen tärtıppen tırkelgen. Resmi mälımetke säikes, qazır Daniiar Meiırhan qyzmettık mındetterın oryndaudan uaqytşa bosatylǧan. Qazırgı uaqytta barlyq jaǧdaidy anyqtau üşın ıs-şaralar jürgızılıp jatqany habarlandy.
Daniiar Meiırhan eŋbek jolyn 2003 jyly Aqtöbe oblystyq IID-nıŋ jedel uäkılı qyzmetınen bastaǧan. 2005–2012 jyldar aralyǧynda Oŋtüstık Qazaqstan oblysy ışkı ıster organdarynyŋ bölınısterınde qyzmet atqarǧan. 2012–2022 jyldar aralyǧynda OQO Polisiia departamentınde bölım bastyǧynan basqarma bastyǧyna deiıngı basşylyq lauazymdarda eŋbek etken. 2023–2024 jyldary QR IIM Şyraqbek Qabylbaev atyndaǧy Qostanai akademiiasynda bölım bastyǧynan Akademiia bastyǧynyŋ orynbasaryna deiıngı qyzmetterdı atqarǧan. 2024 jyldyŋ qyrküiek aiynan IIM Esırtkı qylmysyna qarsy ıs-qimyl komitetı töraǧasynyŋ orynbasary, 2024 jyldyŋ jeltoqsanynan IIM Esırtkı qylmysyna qarsy ıs-qimyl komitetı töraǧasynyŋ mındetın atqaruşy bolǧan. Al byltyr
qyrküiekte IIM Esırtkı qylmysyna qarsy ıs-qimyl komitetı töraǧasy bolyp taǧaiyndalǧan.
Eske salaiyq, ol 2022 jyly Türkıstan oblysy Tülkıbas audandyq polisiia bölımınıŋ bastyǧy qyzmetınde jürgen kezınde "öz betınşe äreket etu" jäne "bötennıŋ kölıgın iemdenu" küdıgımen ūstalǧan edı. Sol jyly ıs «alaiaqtyq» baby boiynşa qaita qaralsa da, dauly polisiia qyzmetkerı kepılmen bosatylǧan bolatyn edı.
