Qazaqstanda Bıryŋǧai jinaqtauşy zeinetaqy qory (BJZQ) salymşylarynyŋ bırı şotyndaǧy qarajattyŋ azaiyp ketkenıne bailanysty qorǧa şaǧymdandy, dep habarlaidy "Adyrna" ūlttyq portaly İnformbiuroǧa sıltep.
Onyŋ aituynşa, zeinetaqy jinaqtarynyŋ bır bölıgın Otbasy bank depozitıne audarmaq bolǧan. Alaida şottaǧy somanyŋ azaiǧanyn baiqaǧan.
BJZQ ökılderı būl jaǧdaidy investisiialyq tabystyŋ tūraqsyzdyǧymen tüsındırdı. Qor mälımetınşe, salymşylardyŋ zeinetaqy jarnalary türlı qarjy qūraldaryna investisiialanady, al odan tüsetın tabys tūraqty bolmaidy jäne naryqtyq jaǧdailarǧa täueldı.
«İnvestisiialyq qyzmet nätijesınde esepteletın tabys kölemı är kezeŋde özgerıp otyrady. 2026 jylǧy nauryzda teŋgenıŋ dollarǧa qatysty nyǧaiuy jäne şeteldık basqarudaǧy aktivterdıŋ naryqtyq qūnynyŋ tömendeuı investisiialyq tabystyŋ azaiuyna äser ettı. Sonyŋ saldarynan salymşylar şotynda terıs investisiialyq tabys esepteldı», – dep habarlady qor.
Sondai-aq BJZQ ökılderı investisiialyq şyǧyndar kezınde salymşylardyŋ jinaq kölemı uaqytşa azaiuy mümkın ekenın atap öttı. Būl öz kezegınde merzımınen būryn aluǧa bolatyn qarajat mölşerıne de äser etedı.
