Astanadaǧy tūrǧyn üilerdıŋ bırınde balta ūstaǧan er adam tūrǧyndardyŋ üreiın tuǧyzdy, dep habarlaidy "Adyrna" ūlttyq portaly.
Oqiǧa turaly kuägerler habarlap, beinejazbalar äleumettık jelıde tarady. Aldyn ala mälımetterge säikes, mas küidegı er adam podezde janjal şyǧaryp, bır adamǧa şabuyl jasaǧan. Oqiǧa ornynan tüsırılgen beinejazbalarda onyŋ qolynda qūrylys qūraly bolǧany baiqalady.
Atalǧan jaǧdaiǧa qatysty Astana qalalyq polisiia departamentı tüsınıkteme berdı. Vedomstvo mälımetınşe, 31 jastaǧy er adam ūstalyp, polisiia bölımıne jetkızılgen.
Belgılı bolǧandai, ol tanysynyŋ päterınde jöndeu jūmystary kezınde alkogol ışıp, keiın agressivtı mınez-qūlyq tanytqan. Sol kezde qolyna qūrylys qūralyn alǧan.
Polisiia qyzmetkerlerı onyŋ zaŋǧa qaişy äreketterın der kezınde toqtatqan. Keiın podezde jürgen kezınde er adam äinektı syndyryp, özı jaraqat alǧan. Oǧan medisinalyq kömek körsetılgen. Basqa azamattar zardap şekpegen.
Qūqyq būzuşy qoǧamdyq orynda mas küide bolǧany jäne ūsaq būzaqylyq jasaǧany üşın äkımşılık jauapkerşılıkke tartyldy. Sot şeşımımen ol 15 täulıkke äkımşılık qamauǧa alynyp, arnaiy qabyldau ornyna qamaldy.
