Astanada tünde №1 köpbeiındı qalalyq balalar auruhanasynda ört boldy. Oqiǧa turaly Astana äkımdıgı mälımdedı, dep habarlaidy “Adyrna”.
Äkımdık mälımetınşe, №1 köpbeiındı qalalyq balalar auruhanasynyŋ bır bölmesınen ört şyqqany turaly habar 11 säuır künı saǧat 22:48-de tüsken. Oqiǧa ornyna 101 qyzmetı 22:55-te jetken. Al 23:08-de ört tolyq söndırıldı.
“Jedel qyzmetter men medisina qyzmetkerlerınıŋ şūǧyl äreketınıŋ arqasynda qaza tapqandar men zardap şekkender joq. Örtke bailanysty balalar körşıles ǧimaratqa köşırıld”ı, – delıngen taratylǧan habarlamada.
Örttıŋ şyǧu sebebı äzırge habarlanǧan joq.
Eske salsaq, tünde Astanada köpqabatty üiden ört şyǧyp, üş bala qaza tapqan bolatyn.
Ūqsas jaŋalyqtar
