Qazaqstan prezidentı Qasym-Jomart Toqaev Oŋtüstık Koreiadaǧy elşını auystyrdy. Jaŋa elşı bolyp Aset Jenısūly İsenali taǧaiyndaldy, dep habarlaidy “Adyrna”.
"Aset Jeŋısūly İsenali Qazaqstan Respublikasynyŋ Koreia Respublikasyndaǧy Tötenşe jäne Ökılettı Elşısı lauazymyna taǧaiyndaldy", – delıngen Aqorda habarlamasynda.
Taǧy bır jarlyqpen Nūrǧali Arystanov Qazaqstannyŋ Oŋtüstık Koreiadaǧy elşısı qyzmetınen bosatyldy. Ol būl qyzmettı 2023 jyldan berı atqaryp kelgen.
Sonymen qatar, Qazaqstan Respublikasynyŋ Tailand Koroldıgındegı Tötenşe jäne Ökılettı Elşısı, BŪŪ Aziia men Tynyq mūhitqa arnalǧan Ekonomikalyq jäne äleumettık komissiiasy (ESKATO) janyndaǧy Qazaqstan Respublikasynyŋ Tūraqty ökılı Marǧūlan Baqytūly Baimūhan Qazaqstan Respublikasynyŋ Mianma Odaǧy Respublikasyndaǧy Tötenşe jäne Ökılettı Elşısı qyzmetın qosa atqaruşy bolyp taǧaiyndaldy.
Marǧūlan Baqytūly 1999 jyldan bastap diplomatiialyq qyzmette. Syrtqy ıster ministrlıgınıŋ ortalyq apparatynda, Qazaqstannyŋ Polşadaǧy elşılıgınde jūmys ıstegen. 2017–2019 jyldary Qazaqstannyŋ Polşadaǧy elşısı boldy. 2019–2021 jyldary Syrtqy ıster ministrınıŋ orynbasary qyzmetın atqardy. 2021 jyldyŋ säuırınen bastap Qazaqstannyŋ Belgiiadaǧy elşısı, EO jäne NATO janyndaǧy ökılı boldy. 2025 jyldyŋ tamyzynan berı Tailandtaǧy elşı ärı ESKATO janyndaǧy tūraqty ökıl qyzmetın atqaryp keledı.
2026 jyldyŋ aqpanynda Qazaqstannyŋ Keniiadaǧy elşısı Ruandaǧa qosa atqaruşy elşı bolyp taǧaiyndalǧan bolatyn.
