Almaty qalasynda äleumettık jelıde polisiia qyzmetkerlerınıŋ motosikl jürgızuşılerın quǧan sätı tüsırılgen video tarady, dep habarlaidy "Adyrna" ūlttyq portaly.
Kadrlardan bırneşe jürgızuşınıŋ patruldık polisiianyŋ toqtau turaly talabyn elemei, qalanyŋ köşelerımen joǧary jyldamdyqpen qaşyp bara jatqany baiqalady. Jelı qoldanuşylarynyŋ pıkırınşe, videodaǧy jürgızuşıler moped emes, jolsyz jerde jüruge arnalǧan motosikl aidap jürgen boluy mümkın
Oqiǧaǧa qatysty Almaty qalalyq polisiia departamentı tüsınıkteme berdı. Vedomstvo mälımetınşe, qazırgı uaqytta atalǧan jürgızuşıler anyqtalmaǧan, olardy ızdestıru jūmystary jürgızılıp jatyr.
Polisiia ökılderı qūqyq būzuşylar tabylǧannan keiın Qazaqstan Respublikasynyŋ zaŋnamasyna säikes tiıstı şaralar qabyldanatynyn habarlady.
