Qazaqstan Prezidentınıŋ arnaiy ökılı Erjan Qazyhan AQŞ-qa jasaǧan resmi sapary aiasynda Marko Rubiomen kelıssözder jürgızdı, dep habarlaidy "Adyrna" ūlttyq portaly.
Būl turaly Qazaqstan Respublikasy syrtqy ıster ministrlıgınıŋ baspasöz qyzmetı habarlady.
Kezdesu barysynda Qazyhan Qasym-Jomart Toqaevtyŋ atynan Donald Trampqa sälemın jetkızıp, Qazaqstan men AQŞ arasyndaǧy qarym-qatynastyŋ qarqyndy damyp kele jatqanyn atap öttı.
Sondai-aq saiasi dialogtyŋ tūraqtylyǧy men praktikalyq yntymaqtastyqtyŋ keŋeiuıne erekşe män berıldı.
Taraptar 2025 jyldyŋ qaraşa aiynda Aq üidıŋ Sopaq kabinetınde ötken ekı el köşbasşylarynyŋ kezdesuınde qol jetkızılgen uaǧdalastyqtardy ıske asyru mäselesın talqylady. Onyŋ ışınde şamamen 20 milliard dollardy qūraityn bırlesken investisiialyq jobalarǧa nazar audaryldy.
Kelıssözder barysynda Qazaqstannyŋ halyqaralyq qauıpsızdık pen beibıtşılıktı qamtamasyz etu baǧytyndaǧy bastamalary, eldegı auqymdy saiasi jäne äleumettık-ekonomikalyq reformalar turaly aqparat berıldı. AQŞ tarapy öz kezegınde ekıjaqty yntymaqtastyqtyŋ qazırgı deŋgeiıne joǧary baǧa berıp, ony odan ärı tereŋdetuge daiyn ekenın bıldırdı.
Kezdesu qorytyndysy boiynşa taraptar sauda-ekonomikalyq jäne investisiialyq bailanystardy küşeitıp, keŋeitılgen strategiialyq serıktestıktı damytuǧa uaǧdalasty.
Sonymen qatar, Erjan Qazyhan amerikalyq ärıptesın Qazaqstanǧa resmi saparmen keluge şaqyrdy.
