Ärbır şaqyru nauqany äskerge şaqyrtudan bastap medisinalyq tekseruden ötuge deiın bırqatar kezeŋderdı qamtidy. Tömende şaqyrtu qalai berıledı, märtebenı qalai tekseruge bolady, kımderge keiınge qaldyru qarastyrylǧan, eger sız oquda bolsaŋyz nemese şetelde jürseŋız ne ısteu kerek syndy ärbır äskerge şaqyryluşy bıluı tiıs negızgı jaittar qarastyrylǧan.
Şaqyrtu qaǧazy qalai berıledı jäne ony alǧannan keiın ne ısteu kerek?
Şaqyrtu qaǧazy – azamatty jergılıktı äskeri basqaru organyna (äskeri komissariatqa) şaqyru şaralaryna qatysu üşın şaqyratyn resmi qūjat. Qarapaiym sözben aitqanda, äskerge şaqyru osy resmi qūjattan bastau alady, al ony oryndau - ärbız jas azamat üşın mındettı zaŋdy talap.
Şaqyrtu bırneşe jolmen jıberıledı. Qol qoidyru arqyly jeke berıledı, jūmys beruşı nemese oqu orny arqyly jetkızıledı. Sonymen qatar, eGov.kz portalynyŋ jeke kabinetı, eGov Mobile qosymşasy jäne SMS arqyly jetkızu sekıldı sifrlyq habarlamalar da engızılgen. Ol 2025 jyldan bastap zaŋdy küşıne endı.
Qūjatta kelu künı, uaqyty jäne mekenjaiy körsetıledı. Däleldı sebepsız kelmegen jaǧdaida äkımşılık jauapkerşılık qarastyrylǧan, al jüielı türde jaltaru, iaǧni äskerden türlı syltaularmen qaşu – qylmystyq jauapkerşılıkke äkeluı mümkın.
Şaqyrtu alǧannan keiın derekterdıŋ dūrystyǧyn tekseru qajet: aty-jönı, mekenjaiy, kelu künı jäne şaqyru maqsaty (medisinalyq komissiia, derekterdı naqtylau jäne t.b.). Aldyn ala qajettı qūjattardy daiyndaǧan jön. Olardyŋ qatarynda jeke kuälık, tırkeu kuälıgı (bar bolsa), bılım turaly qūjattar nemese oqu ornynan anyqtama, medisinalyq qorytyndylar, sondai-aq keiınge qaldyruǧa qūqyq beretın qūjattar bar.
Eger belgılengen uaqytta kelu mümkın bolmasa, jergılıktı äskeri basqaru organyn (äskeri komissariatty) aldyn ala habardar etıp, sebebın qūjatpen rastau qajet. Auryp qalǧan jaǧdaida – medisinalyq anyqtama, oqu nemese jūmysqa bailanysty bolsa – tiıstı rastaityn qūjattar ūsynylady. Däleldı sebep mındettı türde tırkeluı tiıs.
Şaqyrtu qaǧazy bırden äskerge jıberudı bıldırmeidı. Ädette būl derekterdı naqtylau, medisinalyq tekseruden ötu, jaramdylyq sanatyn anyqtau jäne keiınge qaldyru negızderın tekseru üşın jürgızıledı. Uaqtyly daiyndyq bolǧan jaǧdaida, būl räsım eş qiyndyqsyz ötedı.
