Äskeri qyzmet – jauapty mındet! Aldymen Otanǧa degen şeksız qūrmet! Bızdıŋ bügıngı keiıpkerımız mamandyǧyn maqtan tūtatyn batalon komandirı podpolkovnik Baǧdat Mambetov.
Äskeri adam bolu onyŋ bala küngı armany, qiialy bügınde abyroily qyzmetı. Baǧdat Mambetov Syr öŋırınıŋ tumasy.1988 jyly Qyzylorda qalasynda düniege kelgen. Äkesı mehanik, al anasy ūlaǧatty ūstaz. Ata-ana tärbiesın körıp, bergen bılımdı boiyna sıŋıre alǧan keiıpkerımız özınıŋ ülken ömırınde de aituly jetıstıkterge jetude. Tal besıkten alǧan tärbie biık belesterdı baǧyndyruǧa kömegın tigızıp keledı.
Otanǧa adal qyzmet etu ärbır azamattyŋ paryzy. Qai zamanda bolmasyn eldı jaudan saqtaǧan ata-babamyzdyŋ da ūstanymy būl. Däl osy boryşty adal ötep jürgen podpolkovnik Baǧdat Mambetov äskeri saladaǧy mektebın 2005 jyldan bastaǧan. Balalyq armanyn jüzege asyru maqsatynda mekteptı aiaqtai salysymen Petropavl joǧary uchilişesıne oquǧa tüsedı. Onda ol tört jyl bılım alyp, 2009 jyly ofiser mamandardyŋ ūstahanasyna ainalǧan äskeri oqu orny intstitut bolyp qaita qūrylǧan kezde oquyn tämämdaidy. Alǧaşqy ofiserlık eŋbek jolyn Öskemen qalasynda ornalasqan 5518 äskeri bölımınen bastaidy. 2009-2018 jyldar aralyǧynda vzvod komandirı, rota komandirı, batalonnyŋ ştab bastyǧy jäne äskeri bölım basqarmasynda äsker qyzmetı jäne äskeri qyzmet qauıpsızdıgınıŋ bastyǧy lauazymynda bolǧan. Al 2018-2022 jyldar aralyǧynda Qyzylorda qalasyndaǧy 5547 äskeri bölımınde äsker qyzmetı jäne äskeri qyzmet qauıpsızdıgınıŋ bastyǧy boldy. Odan keiın qyzmet babymen alyp megapoliske qonys audarady. 2022 jyly Keŋes Odaǧynyŋ batyry, gvardiia polkovnigı, Bauyrjan Momyşūly atyndaǧy 5571 äskeri bölımınıŋ 3 jedel maqsattaǧy batalon komandirı qyzmetıne taǧaiyndalady. Sodan berı osy qyzmettı abyroimen atqaryp keledı. Qaramaǧynda 400-ge juyq äskeri qyzmetşı bar. Tüsıne bılgen adamǧa batalon komandirı bolu qinynnyŋ qiyny. Aldymen ülken jauapkerşılıktı, eŋbektı, qajyr-qairatty, tözımdı talap etedı. Mäselen, otbasynda ata-anasyna, jaryna, bala-şaǧasyna jauapty bolsa mūnda ärbır äskeri qyzmetşıge jauapty.
– Özıŋız joǧaryda aityp ötkendei
Būl da bızdıŋ käsıbi şeberlıgımızdıŋ bır körınısı bolmaq. Eŋ bastysy keudedegı Otanǧa degen patriottyq sezımın arttyru. Bauyrjan Momyşūly aitpaqşy «Tärtıpke baǧynǧan qūl bolmaidy». Menıŋ taŋdaǧan būl mamandyǧym qazırgı künı maqtanyşyma ainaldy. Kündelıktı tärtıp pen talaptyŋ arqasynda özımnıŋ otbasylyq institutymdy da jaqsy qalyptastyryp kelemın. Otanyma, otbasyma adal qyzmet etıp jürgenımdı maqtan tūtamyn, - deidı podpolkovnik Baǧdat Mambetov.
İä, Baǧdat Mambetovtyŋ mamandyǧyna degen adaldyǧyn, erekşe qūrmetın baiqadyq. Būl qyzmet qatelıktı keşırmeidı. Belgılengen äskeri jarǧy boiynşa qataŋ talaptar qoiylady, soǧan jeke qūram baǧynady. Äskeri salada öz aldyna qiyndyqtary kezdesse de syr bıldırmei adal qyzmetın atqaryp jür.
Eŋbek qana bärın jeŋbek. Däl osy ūstanymdy ūstanatyn keiıpkerımız jas jauyngerlerge de osy prinsippen ömır süru kerektıgın aitady. Äskeri ömırdıŋ az ǧana auyrtpaşylyǧyna şydas berıp adal qyzmet etse keiın zeinetın köretınıne kämıl senımdı. Är kez şynşyl, batyl, batyr boluǧa keŋes beredı. Sol kezde ǧana ömırde belgılengen märege qol jetkızuge bolady deidı batalon komandirı Baǧdat Mambetov.
Aiaulym Madikanova
