QR Prezidentı janyndaǧy «Ortalyq kommunikasiialar qyzmetı» alaŋynda «Äskeri qyzmet qauıpsızdıgın qamtamasyz etu: qabyldanǧan şaralar jäne qūqyq būzuşylyqtyŋ aldyn alu» taqyrybynda baspasöz mäslihaty öttı, dep habarlaidy “Adyrna” ūlttyq portaly.
«Elımızde sarbazdardyŋ qazasy köbeiıp kettı. Būǧan Qorǧanys ministrınıŋ tärbie jäne ideologiialyq jūmysqa jauapty orynbasary Şaih-Hasan Jazyqbaevqa aiypty emes pe? Äskerdegı tosyn jaǧdaiǧa bailanysty vise-ministr otstavkaǧa ketu kerek şyǧar» degen jurnalistıŋ sūraǧyna Şaih-Hasan Satarqūlūlynyŋ özı jauap berdı.
«Aldynda statistikany körsettık qoi. Al sız «Sarbazdardyŋ qaitys boluy köbeiıp kettı» dep aityp otyrsyz. Bız keltırgen statistikany tyŋdasaŋyz, jyldan jylǧa köbeiıp jatqan joq, kerısınşe azaiyp jatyr. Ekınşıden, menıŋ osy lauazymdy ary qarai jalǧastyruym Qorǧanys ministrı men Bas qolbasşymyz prezidentımızdıŋ qūzyrynda. Qalai aitsa, men oǧan daiynmyn – dedı ol.
