QR Parlamentı Mäjılısınıŋ deputaty Qazybek İsa memlekettık tıldı bılmeitın “SK Farmasiia” JŞS basqarma töraǧasy Erhat Esqalievty synǧa alyp, özınıŋ feisbuk paraqşasynda jazba qaldyrdy. Būl turaly "Adyrna" ūlttyq portaly jazady.
"QR Prezidentı Q.Toqaevtyŋ nazaryna! Bügınde 70 paiyzdan asatyn qazaqtardyŋ memlekettık tıldegı aqparat alu qūqyn şekteuge, tıldık diskriminasiia jasauǧa kım rūqsat berdı? QR Prezidentı janyndaǧy Ortalyq Kommunikasiialar Qyzmetınde Densaulyq ministrlıgınıŋ “SK Farmasiia” JŞS basqarma töraǧasy Erhat Esqaliev özınıŋ alyp otyrǧan jalaqysyn qazaqşa aita almady?! Jep otyrǧan nany - alyp otyrǧan ailyǧyn qazaqşa aituǧa sauaty jetpeitınderden basqa Densaulyq ministrlıgı “SK Farmasiiaǧa” basşy bolatyn adam joq pa, ne masqara būl?! Būl ne degen beişaralyq? Däl qazır, “Osy “SK Farmasiia”basşysy orynyna kımder ümıtker bolyp, öte almai qalyp edı, ışterıŋde memlekettık tıldı bıletınderıŋ bar ma?” -dep feisbukte sūrau salsaq, bırneşe ümıtkerdıŋ şyǧatyny anyq. Sonda olardyŋ ışınen ädeiı Qazaqstannyŋ Memlekettık tılın bılmeitın, tek Reseidıŋ memlekettık tılınde söileitın Erhat Esqalievke taŋdap alu ne üşın kerek boldy? Qazaq Elınıŋ memlekettık tılın - memleket qūrauşy negızgı ūlttyŋ tılınıŋ konstitusiialyq, zaŋdyq qūqyn taptau, diskriminasiiaǧa ūşyratu - bilıktıŋ negızgı saiasaty ma?! Qaida Ädılettı, Jaŋa Qazaqstan?!", - dep jazdy Qazybek İsa.Deputattyŋ aituynşa, “SK Farmasiia” JŞS basqarma töraǧasy Erhat Esqalievke Reseidıŋ bır guberniiasynda otyrǧandai küi tanytady.
"Memlekettık qyzmet agenttıgı daiyndaǧan memlekettık qyzmetkerlerden talap etetın QazTEST synaǧynda Qazaq tılınıŋ baly - 0! Sen jauap berseŋ de, bermeseŋ de, Qazaq tılınen 0 (nöl) degen baǧa alasyŋ? Bız kezınde būl mäselenı öz basynan ötkızgen zaŋger, tıl küreskerı Jasūlan İsanyŋ mälımetı boiynşa “Qazaq tılınıŋ deŋgeiı -0”degen maqala jazǧanbyz? Qazaq tılı - mazaq tılı me sonda, Aqordadaǧy, Ükımettegı myrzalar!? Osydan ekı jyl būryn däl osy Densaulyq ministrlıgı Bas sanitary qazaqşa sūraqqa jauap bere almaǧanda küiıngennen “BAS SANİTARDYŊ RESEI TILINDEGI SÖZIN MİNİSTR AUDARYP BERE ME?”-dep jazyp edık. Taǧy da qaitalap aitamyz! Bügınde 70 paiyzdan asatyn qazaqtardyŋ memlekettık tıldegı aqparat alu qūqyn şekteuge, tıldık diskriminasiia jasauǧa kım rūqsat berdı? Bırden aitaiyq, brifing Qazaq Elınde emes, Reseide ötıp jatqandai boldy. Öitkenı memlekettık tıldı jiyp qoiyp, tek orys tılınde aqparat beruşı “SK Farmasiia” JŞS basqarma töraǧasy Erhat Esqalievke qarasaŋyz, Täuelsız Qazaqstannyŋ astanasynda emes, Reseidıŋ bır guberniiasynda otyrǧandai... erkın otyrdy...", - deidı Qazybek İsa.Qazybek İsa memlekettık tıldı bılmeitın Erhat Esqaliev memlekettık qyzmetke qalaişa basşy bolyp otqanyna toqtaldy.
"Jurnalistıŋ “qazaqşa jauap berıŋız?”-degenıne de qaramai orysşa zulap barady. Tek jurnalist memleketşıldık prinsipşıldıkpen “Men sızge qazaqşa sūraq qoidym, qazaqşa jauap berıŋız”-degende baryp, tūtyldy… Qazaqstannyŋ “SK Farmasiia” JŞS basqarma töraǧasy Erhat Esqalievke Memlekettık tıldı, iaǧni Konstitusiia men Tıl turaly zaŋdy attap-taptap ötuge kım rūqsat berdı?! Qazaqstanǧa 30 jyldyŋ ışınde köşıp kelgen, bügınde 2 millionǧa juyqtap qalǧan qandastarymyzdyŋ jäne Täuelsızdık alǧaly 30 jylda qalyptasqandai, orys tılın bıludı qajet sanamaityn auyldaǧy qazaqtardy qosqanda, 10 millionnan asatyn azamattardy aitpaǧanda, bügınde jalpy 70 paiyzdan asatyn qazaqtardyŋ memlekettık tıldegı aqparat alu qūqyn şekteuge kım rūqsat berdı? Prezident janyndaǧy Ortalyq Kommunikasiialar qyzmetınde brifing ötkızuşılerge belgılı bır zaŋdy talaptar bolmai ma? Qytai nemese şürşıt tılınde de ötkıze beruge bola ma? Eger Erhat Esqaliev MEMLEKETTIK TILDI BILMESE, MEMLEKETTIK QYZMETKE BASŞY ETIP ONY KIM TAǦAIYNDADY? Ony jauapty lauazymdy memlekettık qyzmetke qoiyp otyrǧanda odan Memlekettık tıldı bılu Prezident Äkımşılıgınde, Ükımette, Memlekettık qyzmet agenttıgınde jäne Densaulyq ministrlıgınde talap etılmegen be? Densaulyq saqtau ministrlıgı Qazaqstan zaŋdaryn saqtaudy jiyp qoiǧan ba? Älde mūndai talap bızdıŋ Täuelsız Qazaqstanda 30 jyldan berı älı joq pa?!", - deidı deputat.Deputat Memlekettık tıldı taptap üirengen "qūldyq virustyŋ" joiyluyn talap ettı.
"Endeşe, Memlekettık tılge miy jetpeitınderdı, tek Resei tılın bılse jetkılıktı dep sanap, qyzmetke ala beretın bolsa, Densaulyq saqtau ministrı Ajar Ǧinaiat nemese osyndai qalyŋ eldıŋ jauapkerşılıgın jüktegen lauazymdy qyzmetke memlekettık tıldı bılmeitın adamdy taŋdap alǧyzǧan Ükımet töraǧasy men Prezident äkımşılıgı basşylary brifingke kelıp, E.Esqalievtıŋ sözın Memlekettık tılge audaryp berıp otyrsyn. Elımızdegı 70 paiyzdan astam Qazaqstan azamattary osyny talap etedı! Öitkenı, tötenşe jaǧdai tudyrǧan jaman ındet, koronavirus te ketedı, al Täuelsız Qazaqstan bilıgındegı, Memlekettık qyzmettegı Memlekettık tıldı taptap üirengen qūldyq virus otyz jyldan berı joiylmai keledı! Endı osy eldıŋ qan qysymyn köterıp kele jatqan "qūldyq virus" tötenşe jaǧdai tudyrmauyn oilau kerek! Bızdıŋ bärın ūmytyp ketuge daiar bilıkke keşe Qaŋtar qasıretınde köşege şyqqandardyŋ 100 paiyz qazaqtar ekenın eske salamyz", - deidı ol.
"Adyrna" ūlttyq portaly
