Foto: Türkıstan oblysy densaulyq saqtau basqarmasy
Türkıstan qalasyndaǧy № 3 oblystyq perinataldyq ortalyqta 41 jastaǧy Marina Jūrymbaeva üş ūldy düniege äkeldı. Jüktılık merzımı 32 apta bolǧan. Bosanu kesar tılıgı ädısımen öttı. Būl turaly oblystyq densaulyq saqtau basqarmasy mälımdedı, dep habarlaidy "Adyrna".
Mälımet boiynşa, ūl balalardyŋ salmaǧy 1715, 1955 jäne 1999 gramm boldy.
"Şala tuǧandyqtan näresteler ömırınıŋ alǧaşqy täulıgınde tynys alu apparatyna qosylyp, jansaqtau bölımşesınde 10 täulık därıgerlerdıŋ baqylauynda boldy. Jaǧdailary tūraqtalǧan soŋ säbiler anasymen bırge arnaiy kütımdı qajet etetın näresteler bölımıne auystyryldy", - delıngen vedomstvo aqparatynda.
Äkesı säbilerge Aiqyn, Aidyn jäne Arsen esımderın berdı. Otbasynda būǧan deiın bır ūl men bır qyz tärbielenıp otyr.
Därıgerlerdıŋ aituynşa, üşem - otbasynda 15 jyldyq üzılısten keiın düniege kelgen säbiler.
Näresteler 35 täulıkten keiın anasymen bırge qanaǧattanarlyq jaǧdaida üiıne şyǧaryldy.
