Memleket basşysy Qasym-Jomart Toqaev pen İzrail prezidentı İshak Gersogtyŋ kelıssözı ekı el delegasiiasynyŋ qatysuymen keŋeitılgen qūramda jalǧasty. Būl turaly Aqorda jariialady, dep habarlaidy "Adyrna".
Memleket basşysy Qazaqstan men İzraildıŋ san qyrly bailanystary ūzaq uaqyttan berı jalǧasyp kele jatqanyn atap öttı.
"Täuelsızdıktıŋ alǧaşqy jyldarynan bastap elderımız arasynda dostyq qarym-qatynas ornady. İzrail Memleketı Qazaqstannyŋ egemendıgın alǧaşqylardyŋ bırı bolyp moiyndady. 1993 jyly diplomatiialyq ökıldıkterımızdı aştyq. Sodan berı belsendı saiasi dialog qalyptasty. Sauda-ekonomikalyq jäne investisiialyq yqpaldastyqta eleulı jetıstıkterge qol jetkızdık", – dedı Qasym-Jomart Toqaev.
Prezidenttıŋ pıkırınşe, İbrahim kelısımderı öŋırlık tūraqtylyqqa, sauda-ekonomikalyq yntymaqtastyqty jandandyruǧa berık negız qalaidy.
"Özıŋızge mälım, Qazaqstan būǧan deiın qabyldaǧan şeşımın ūstanady. İbrahim kelısımderıne resmi türde qosylu räsımın taiau keleşekte Astanada ūiymdastyruǧa bolady dep esepteimız. Sonymen qatar jasandy intellekt jäne sifrlandyru salalaryndaǧy yntymaqtastyqty nyǧaituǧa müddelımız. Biyl Qazaqstanda Jasandy intellekt jäne sifrlandyru jyly bolyp jariialandy. Men būl mäselege airyqşa män beremın", – dedı Memleket basşysy.
İshak Gersog Qazaqstan men İzrail arasyndaǧy ärıptestık qarqyndy damyp kele jatqanyn aitty.
"Prezident myrza, Qazaqstan toleranttylyq pen konfessiiaaralyq dialogtyŋ bıregei ülgısın körsetıp otyr. Sol üşın Sızge alǧys aitamyn. Sonymen qatar ekı el arasyndaǧy ıskerlık bailanystar men tauar ainalymyn arttyruǧa mümkındık mol ekenıne nazar audarǧym keledı. Būl baǧytta naqty şaralar qabyldai alamyz. Atap aitqanda, bız tıkelei äue qatynasyn aşuǧa müddelımız. Ol ıskerlık jäne sauda qatynastaryna oŋ yqpal etedı. Būdan bölek, ekıjaqty qūqyqtyq-kelısımşart bazasyn keŋeituge niettımız. Qazırgı kezde bırqatar kelısım, sonyŋ ışınde qosarlanǧan salyqty alyp tastau turaly uaǧdalastyq pysyqtalyp jatyr, – dedı İzrail Prezidentı.
Memleketter basşylary öŋırlık jäne halyqaralyq özektı mäseleler jönınde pıkır almasty. Kelıssöz qorytyndysy boiynşa taraptar tūraqty saiasi dialogty jalǧastyruǧa, barlyq deŋgeidegı yqpaldastyqty jandandyruǧa, sondai-aq bırlese küş jūmyldyra otyryp serıktestıktı jaŋa ärı sapaly kezeŋge şyǧaruǧa kelıstı.
