Qūrylys kompaniiasynyŋ basşysy Möldır Süiınşälı ūstaldy, dep habarlaidy "Adyrna" ūlttyq portaly.
Qarjylyq monitoring agenttıgı Astana qalasy boiynşa departamentı asa ırı kölemdegı alaiaqtyq deregı boiynşa bırneşe qūrylys kompaniiasynyŋ basşysy Möldır Süiınşälıge qatysty tergeu jürgızıp jatyr.
Agenttık mälımetınşe, 2021–2024 jyldar aralyǧynda küdıktı Nura Elite kottedj qalaşyǧyn salu syltauymen azamattardan qarajat tartqan. Joba boiynşa 37 kottedj jäne 24 taunhaus salu josparlanǧanymen, taunhaustar tolyq aiaqtalmaǧan, tek qaŋqalary ǧana tūr. Qūrylys jūmystaryn 2023 jyldyŋ törtınşı toqsanyna deiın aiaqtau jönındegı mındettemeler oryndalmaǧan.
Tergeu derekterıne säikes, satyp aluşylarmen aldyn ala satyp alu-satu şarttary jasalǧan. Nätijesınde 56 adam jäbırlenuşı dep tanylyp, keltırılgen şyǧyn kölemı 3,9 mlrd teŋgenı qūraǧan. Onyŋ ışınde 322 mln teŋge küdıktınıŋ, sondai-aq onyŋ jūbaiy men anasynyŋ esepşottaryna audarylǧan, al 145 mln teŋge qolma-qol aqşaǧa ainaldyrylǧan.
Sonymen qatar, bır jyljymaityn mülıktı bırneşe ret satu faktılerı de anyqtalǧan.
Qazırgı uaqytta ıs boiynşa tergeu amaldary jalǧasuda.
Aşyq derekközderge süiensek, Möldır Süiınşälı MM Group kompaniiasynyŋ negızın qalauşy bolyp tabylady. 2021 jyly ol jas käsıpker retınde Forbes Kazakhstan jurnalynyŋ “30 jasqa deiıngı 30” reitingıne engen. Ol kezde jasy 26-da bolǧan.
