1 mamyr – Qazaqstan halqynyŋ bırlıgı künıne orai Türkıstan qalasyndaǧy «Keruen sarai» turistık keşenınde merekelık ıs-şara ūiymdastyryldy.
Saltanatty şaraǧa Türkıstan oblysynyŋ äkımı Nūralhan Köşerov qatysyp, jūrtşylyqty bırlık pen kelısım merekesımen qūttyqtady. 
– Būl mereke – elımızdegı tatulyq pen tūraqtylyqtyŋ jarqyn körınısı. Bırlık – bızdıŋ basty bailyǧymyz, bolaşaǧymyzdyŋ kepılı. Memleket basşysy Qasym-Jomart Toqaev: «Är azamattyŋ bır-bırıne tıleulestıgı arqyly bükıl ūlttyŋ tūtastyǧyn tanyta bıldık. Qazaqstan halqy tarihtyŋ kürdelı kezeŋınde jūrt bolyp jūmylyp, tabysqa jete alatynyn taǧy da däleldedı» degen bolatyn. Qiyn zamandarda Qazaq elı türlı etnostarǧa pana bolyp, taǧdyr tälkegımen kelgen jūrtty bauyryna basty. Sonyŋ nätijesınde memleketımızde bırlıgı jarasqan qoǧam qalyptasty. Sondyqtan elımız üşın būl merekenıŋ mänı zor. Türkıstan oblysynda 2 mln 200 myŋǧa juyq halyq tūrady. Berekelı öŋırımızde 50-den astam etnos ökılderı bır şaŋyraq astynda tatu-tättı ömır sürude. Öŋırımızde Oblystyq Qazaqstan halqy Assambleiasy janyndaǧy 6 qūrylym men 11 etnomädeni bırlestık belsendı qyzmet atqaruda. Bızdıŋ bırlıgımız ben berekelı tırlıgımız Türkıstan öŋırın damytuǧa bastaidy. Osy rette, taiauda Türkıstanda Türkı memleketterı prezidentterınıŋ maŋyzdy jiyny ötetının maqtanyşpen aita ketken jön. Mūndai auqymdy jiyndar oblysty damytyp, Türkıstandy tanytuǧa serpın beretını sözsız. Osy aituly künı barşaŋyzǧa zor densaulyq, otbasylaryŋyzǧa amandyq, jūmystaryŋyzǧa tabys tıleimın! Elımızde ärdaiym tynyştyq pen beibıtşılık saltanat qūra bersın! – dedı oblys äkımı Nūralhan Köşerov.
Mereke barysynda oblystyŋ äleumettık-ekonomikalyq damuyna sübelı üles qosyp, ūzaq jyldar boiy adal ärı jemıstı eŋbek etıp jürgen etnomädeni bırlestık ökılderı marapattaldy.
Is-şara aiasynda jergılıktı önerpazdar qatysuymen konsert ūiymdastyrylyp, körermenderge köterıŋkı köŋıl-küi syilady. Sahna törınde «Jaŋa lep» öner ūjymy, «Farab» bi ansamblı, «Semser» toby, Gülnūr Nūrataeva, Madina Bekbolat, Qūralai Qasymova, «Ai-dana» duetı, Aidar Dosymjan, Äsima Tılektes jäne «Arnau» toby öner körsettı. Än men jyrǧa toly keş barysynda halqymyzdyŋ bırlıgı, dostyǧy men mädeni yntymaqtastyǧy keŋınen därıpteldı.
Aita ketsek, öŋırde «Zaŋ men tärtıp», «Beibıtşılık pen kelısım», «Adal azamat», «Mädeniettı ana – mädeniettı ūlt», «Salauatty sana» jobalary aiasynda tärbielık maŋyzy bar ıs-şaralar jüzege asyrylyp keledı. Assambleia müşelerı «Taza Qazaqstan» baǧdarlamasyna, özge de aksiialarǧa belsendı qatysuda. Qūrylym aiasynda etnomädeni bırlestıkter, Aqsaqaldar keŋesı, Analar keŋesı, mediasiia instituty, ǧylymi-saraptamalyq top jäne jastar ūiymdary jemıstı eŋbek etıp jür. Qazırgı taŋda oblysta ekonomikalyq, investisiialyq, turistık äleuetı köterılude. Būl jetıstıkter – tūtas halqymyzdyŋ bırlıgı men yntymaǧynyŋ arqasy.
