Bügın, 4 mamyrda AQŞ prezidentı Donald Tramp Ormūz būǧazynan kemelerdı şyǧaru operasiiasy bastalatynyn mälımdedı. Būl turaly ol Truth Social äleumettık jelısınde jazdy, dep habarlaidy «Adyrna» tılşısı.
Aituynşa, «älemnıŋ barlyq elı» AQŞ-tan Ormūz būǧazynda qaqtyǧys saldarynan bögelıp qalǧan kemelerın bosatuǧa kömek sūrap jügıngen.
«İrannyŋ, Taiau Şyǧystyŋ jäne AQŞ-tyŋ igılıgı üşın bız būl elderge olardyŋ kemelerın osy şekteulı su joldarynan qauıpsız alyp ötetınımızdı habarladyq. Osylaişa olar öz ısterın erkın ärı tolyq jalǧastyra alady… Būl üderıs Project Freedom dep atalady», – dedı amerikalyq köşbasşy.
Sonymen qatar Tramp operasiiaǧa kedergı keltırılse, AQŞ küş qoldanatynyn eskerttı.
«Eger būl gumanitarlyq proseske qandai da bır jolmen kedergı jasalsa, ondai äreketterge, ökınışke qarai, küşpen jauap beruge tura keledı», – dep jazdy ol.
AQŞ Qaruly küşterınıŋ Ortalyq qolbasşylyǧy (CENTCOM) mälımetınşe, Ormūz būǧazy arqyly kemelerdıŋ ötuın qamtamasyz etuge baǧyttalǧan «Bostandyq» operasiiasyna ūşaqtar jäne 15 myŋ äskeri qyzmetker jūmyldyrylady.
