Almatynyŋ būrynǧy äkımı, "Nūr-Otan" partiiasynyŋ soŋǧy basşysy Bauyrjan Baibektıŋ qatysy bar «Qazaq Kaolin» JŞS-nıŋ tau-ken baiytu kombinaty ıske qosyldy, dep habarlaidy "Adyrna" ūlttyq portaly.
«Qazaq Kaolin» JŞS-nıŋ tau-ken baiytu kombinaty Aqmola oblysynyŋ Zerendı audanynda tehnikalyq ıske qosyldy.
Mälımetterge säikes, käsıporyn jylyna 230 myŋ tonna kaolin şikızatyn öndıruge qauqarly. Jobanyŋ jalpy investisiia kölemı 12 milliard teŋgenı qūraidy. Öndırıstı tolyq ıske qosu 2026 jyldyŋ şılde aiyna josparlanǧan.
Aşyq derekközderde Bauyrjan Baibek atalǧan jobaǧa keŋesşı retınde qatysyp, keiın kompaniianyŋ direktorlar keŋesınıŋ töraǧasy qyzmetıne taǧaiyndalǧany körsetılgen.
Kompaniia qūryltaişylary qatarynda Qydyrǧali Baibek pen Bekzat Kerımbai bar. Būǧan deiın käsıporyndy basqarǧandardyŋ arasynda Timur Äbılov bolǧan. Bauyrjan Baibektıŋ äkesı Qydyrǧali - Qazaqstannyŋ eks-prezidentı Nūrsūltan Nazarbaevtyŋ synyptasy.
Mälımetterge süiensek, ötken jyly käsıporyn şamamen 200 million teŋge kölemınde salyq tölegen. Joba tolyq ıske qosylǧannan keiın öndırıs kölemın ūlǧaitu, jaŋa jūmys oryndaryn aşu jäne öŋır ekonomikasyna üles qosu josparlanyp otyr.
Joba jeke investisiialar esebınen jüzege asyryluda.
