Memleket basşysy Qasym-Jomart Toqaev Türkiia prezidentı Rejep Taiip Erdoǧanmenşaǧyn qūramda kelıssöz jürgızdı. Būl turaly bügın, 14 mamyrda Aqordanyŋ baspasöz qyzmetı jazdy, dep habarlaidy «Adyrna» tılşısı.
Qazaqstan prezidentı Türkiia basşysyna ıltipat körsettı.
«Joǧary märtebelı prezident myrza, qadırlı bauyrym, özıŋızben Qazaqstannyŋ elordasynda jüzdeskenıme öte quanyştymyn. Eŋ aldymen, menıŋ şaqyruymdy qabyl alyp, Qazaqstanǧa memlekettık saparmen kelgenıŋız üşın şyn jürekten rizaşylyǧymdy bıldırgım keledı. Saparyŋyzdyŋ män-maǧynasy erekşe, öte joǧary dep aitsaq artyq bolmaidy. Sebebı būl, şyn mänınde, tarihi oqiǧa. Būl sapar elderımızdıŋ yntymaqtastyǧyna ülken serpın beretınıne eşqandai kümän joq. Ekı el arasynda tek qana dostyq, bauyrlastyq, mäŋgılık serıktestık qarym-qatynas qalyptasqan. Aramyzda eşqandai tüitkıl nemese şeşılmegen mäsele joq. Qoş keldıŋız!»– dedı Qasym-Jomart Toqaev.
Osy oraida memleket basşysy byltyr Ankaraǧa jasaǧan resmi saparyn yqylaspen eske aldy.
«Bız Ankarada Strategiialyq yntymaqtastyq jönındegı komissiianyŋ besınşı otyrysyn ötkızdık. Öte maŋyzdy şeşımderge qol jetkızdık. Bügın Keŋestıŋ altynşy otyrysy bolady. Auqymdy biznes forum ötedı. Özıŋızben bırge Astanaǧa ülken delegasiia keldı. Sondyqtan saparyŋyz oidaǧydai ötedı dep oilaimyz. Osylaişa, özara yntymaqtastyǧymyzdyŋ jarqyn bolaşaǧyna zor qadam jasaimyz»,–dedı ol.
Rejep Taiip Erdoǧan bauyrlas qazaq elınıŋ körsetken qūrmetıne alǧys aitty.
«Eŋ äuelı, bauyrymyzdyŋ atajūrtqa arnaiy şaqyrǧanyna rizaşylyǧymdy bıldırgım keledı. Bızge airyqşa qonaqjailyq tanytyp otyrsyzdar. Qazaq elınıŋ şekarasynan ötkennen qaptaldasa ūşqan ūşaqtarmen qarsy alyp, menıŋ delegasiiama ülken qūrmet körsettıŋızder. Būl bızdı erekşe quantty. Ärine, mūny ūmytpaimyz. Bügıngı sapar bauyrlas halyqtardyŋ yntymaǧyn arttyruǧa zor septıgın tigızedı dep senemın», – dedı Türkiia prezidentı.
