Sot otyrysynda Mádenıet jáne sport mınıstri, kezinde Ulttyq mýzeıdi basqarǵan Arystanbek Muhamedıuly ashýǵa minip, aıǵaıǵa basty. Shymbaıyna batqan suraqtarǵa bola "bulqan-talqan" bolǵan sátiniń vıdeosy áleýmettik jelide tarady, dep habarlaıdy "Adyrna" ulttyq portaly.
Sot otyrysynda prokýror kýágerden Úndistandaǵy «Altyn adamnyń sherýi» kórmesi jaıly egjeı-tegjeıli surap jatqanda Ulttyq mýzeıdiń eks-basshysy ózin-ózi ustaı almaı, aıǵaıǵa basady. Burynǵy mınıstr qazirgi basshylyqtyń "ustanymy" men "Ádiletti Qazaqstan" ıdeıasyn alǵa tartyp, prokýrordyń qyzmetin synaıdy. Daýysy zoraıyp, ashý qysqan sátinde Qasym-Jomart Kemelulynyń týǵan kúni kelip qalǵanyn da sot zalynda otyrǵandardyń esine salyp ótedi.
Posmotret etý pýblıkaııý v Instagram
Esterińizge sala keteıik, 2022 jyldyń 28 mamyrynda sot sankııasymen Ulttyq mýzeı dırektory Arystanbek Muhamedıulyna qatysty «kúzetpen ustaý» bultartpaý sharasy tańdaldy. Tergeý «Altyn adamnyń álem murajaılary boıynsha sherýi» halyqaralyq kórmesin ótkizýge, sondaı-aq «Qazaqstannyń ulttyq kıeli nysandary men mýzeı qorlaryn jalpymemlekettik fotogrammetrııalyq 3D-skanerleý» jáne «Qazaqstan Respýblıkasynyń Ulttyq ıfrlyq kınokollekııasyn ıfrlandyrý» jobalaryna bólingen bıýdjet qarajatyn urlaý faktileri boıynsha júrgizilgen bolatyn.
Odan bólek, Arystanbek Muhamedıulynyń Mádenıet jáne sport mınıstri laýazymynda bolǵan kezinde týystarynyń jáne úlestes tulǵalarynyń menshigine «Sý jáne qoldanbaly sport túrleri boıynsha respýblıkalyq joǵary sport sheberligi mektebi» RMQK, «Qazaq enıklopedııasy» AQ jáne «Qazaq ǵylymı-zertteý mádenıet ınstıtýty» JShS zańsyz berýge qatystylyǵy tekserildi.
Tergelgen qylmystyq ister boıynsha memleketke keltirilgen zalaldyń aldyn ala somasy shamamen 7 mlrd teńge dep baǵalanǵan edi.
Budan burynǵy otyrysta advokat eks-mınıstr Arystanbek Muhamedıulyn qamaýda ustaý tártibin myrzaqamaqqa aýystyrýdy suraǵan bolatyn.
"Adyrna" ulttyq portaly
