Bügın Qazaqstan prezidentı Qasym-Jomart Toqaev pen Keniia prezidentı Uiliam Ruto resmi kezdesu ötkızıp, artynan ökılderıne arnalǧan brifing berdı. Ekı tarap tıkelei reis aşu, auyl şaruaşylyq önımderın tasymaldau mäselelerı boiynşa mazmūndy kelıssözder jürgızgenın atap öttı. Būl turaly Aqorda jariialady, dep habarlaidy "Adyrna".
«Kölık, auyl şaruaşylyǧy, aqparattyq tehnologiialar, turizm, önerkäsıp jäne basqa da salada bırlesken jobalardy ıske asyruǧa uaǧdalastyq. Elderımızdıŋ arasynda tūraqty türde tıkelei äue reisterın aşu mümkındıgı turaly da pıkır almastyq», – dep atap öttı Toqaev.
Odan bölek Qazaqstan tarapy Afrika naryǧyna bidai tasymaldauǧa da qyzyǧuşylyq tanytyp otyr. Osy maqsatty Afrikanyŋ segız elıne jol aşatyn Mombasa portyn paidalanbaq.
«Bız auyl şaruaşylyǧy önımderın, eŋ aldymen, bidaidy jäne özge de tauarlardy Afrika naryǧyna jetkızuge müddelımız. Osy maqsatpen Mombasa portyn paidalanu mäselesın qarastyrdyq. Būl – osy aimaqtyŋ segız memleketıne jol aşatyn Şyǧys Afrikadaǧy eŋ ırı logistika ortalyǧynyŋ bırı. Sonymen qatar bız Keniia önımderın Qazaqstan arqyly Euraziia elderıne jetkızu mäselesın talqyladyq. Sauda-ekonomikalyq yqpaldastyqty jaŋa deŋgeige köteru qajet ekenın aittyq», – dedı memleket basşysy.
Öz kezegınde Keniiadan kelgen delegasiia Qazaqstannyŋ Egov jüiesındegı, ǧaryş jäne aqparattyq tehnologiia salalaryndaǧy jetıstıgıne qyzyǧuşylyq tanytqan. Olar AlemAI halyqaralyq jasandy intellekt ortalyǧynyŋ jäne Qazaqstannyŋ ūlttyq ǧaryş ortalyǧynyŋ jūmysymen tanysty.
30 milliard aqşa jymqyrǧan. Däulet Mūqaev 5 myŋ adamdy aldap soqqan äieldıŋ ısın jıtı qaraudy ūsyndy
