"Naftogaz" Qazaqstan aumaǧynda reseilık "Gazprom" kompaniiasynan şamamen $1,4 mlrd öndıruge rūqsat alǧanyn mälımdedı, dep habarlaidy "Adyrna" ūlttyq portaly QazTAG-qa sıltep.
Tiıstı şeşımdı Astana halyqaralyq qarjy ortalyǧynyŋ soty qabyldaǧan. Kompaniia mälımetınşe, AHQO soty halyqaralyq arbitraj şeşımın tanyp, ony Qazaqstan aumaǧynda oryndauǧa rūqsat bergen.
Sergei Koreskii būl şeşımdı «Gazpromnan» qarajat öndırıp alu jolyndaǧy maŋyzdy qadam dep atady.
«Qazaqstandaǧy sot şeşımı – būl «Gazpromnan» qarajat öndırıp alu prosesındegı taǧy bır praktikalyq nätije. Bız ärtürlı iurisdiksiialarda arbitrajdyq şeşımdı oryndau boiynşa jūmysty jalǧastyryp jatyrmyz», – dedı ol.
«Naftogazdyŋ» tüsındıruınşe, 2019 jylǧy kelısım boiynşa kompaniia 2025 jyldyŋ 1 qaŋtaryna deiın Ukraina aumaǧy arqyly reseilık gaz tranzitın ūiymdastyruǧa mındettı bolǧan. Alaida 2022 jyldyŋ mamyrynda reseilık okkupasiialyq küşterdıŋ äreketı saldarynan «Sohranovka» gaz qabyldau nüktesı arqyly tranzit toqtaǧan. Soǧan qaramastan, ukrain tarapy «Sudja» nüktesı arqyly gaz tasymaldau qyzmetın jalǧastyrǧan.
Kompaniianyŋ aituynşa, "Gazprom" kelısımşarttaǧy mındettemelerın tolyq oryndamai, körsetılgen qyzmet üşın tölem jasaudan bas tartqan. Osyǧan bailanysty 2022 jyldyŋ qyrküiegınde "Naftogaz" Halyqaralyq sauda palatasy reglamentıne säikes Şveisariiada arbitrajdyq talqylaudy bastaǧan.
2025 jyldyŋ mausymynda arbitrajdyq tribunal «Gazpromdy» kelısım mındettemelerın oryndamaǧany üşın tolyq jauapty dep tanyp, qaryzdy, paiyzdardy jäne arbitraj şyǧyndaryn töleuge mındettegen.
Bügınde «Naftogaz» türlı elderdegı iurisdiksiialar arqyly «Gazpromnyŋ» aktivterın öndırıp alu boiynşa halyqaralyq jūmysty jalǧastyryp jatyr.
