Mädeniet jäne aqparat ministrı Aida Balaeva «Halyq äuenı» respublikalyq önerkeruenınıŋ qorytyndylanǧanyn mälımdedı. Būl turaly ol Facebook-tegı paraqşasynda jazdy.
Ministrdıŋ aituynşa, üş kün boiy ötken auqymdy mädeni joba eldıŋ bırneşe öŋırın qamtyp, ūlttyq önerdı nasihattauǧa baǧyttaldy. Öner keruenı Abai, Aqmola, Aqtöbe, Almaty, Atyrau, Batys Qazaqstan, Jetısu, Jambyl, Qaraǧandy, Maŋǧystau, Qostanai, Qyzylorda, Soltüstık Qazaqstan, Ūlytau, Türkıstan, Şyǧys Qazaqstan jäne Pavlodar oblystaryn aralap, 51 audan men eldı mekende konsert ūiymdastyrǧan.
Üş kün ışınde konserttık baǧdarlamalardy 20 myŋnan astam körermen tamaşalaǧan. Äsırese şalǧai auyldar men audan ortalyqtarynyŋ tūrǧyndary öner ūjymdaryn erekşe yqylaspen qarsy alyp, ūlttyq mädenietke degen qūrmetın körsetken.
Jobaǧa elımızdıŋ jetekşı şyǧarmaşylyq ūjymdary qatysty. Atap aitqanda, Qūrmanǧazy atyndaǧy Qazaq ūlttyq halyq aspaptar orkestrı, «Saltanat» memlekettık bi ansamblı, «Qazaqstan kameratasy» memlekettık klassikalyq muzyka ansamblı, Abai atyndaǧy Qazaq ūlttyq opera jäne balet teatrynyŋ solisterı, N.Tılendiev atyndaǧy «Otyrar sazy» orkestrı, QR Memlekettık ürmelı aspaptar orkestrı, B.Baiqadamov atyndaǧy memlekettık hor kapellasy jäne özge de öner ūjymdary körermenge joǧary deŋgeidegı konserttık baǧdarlamalar ūsyndy.
Keruen aiasynda dästürlı än, halyq muzykasy, simfoniialyq şyǧarmalar, miuzikl janryndaǧy qoiylymdar, estradalyq baǧdarlamalar men horeografiialyq kompozisiialar sahnalanǧan. Ministr būl bastamanyŋ mädeniet pen önerdıŋ qoǧamdaǧy ruhani bailanysty nyǧaitatyn maŋyzdy küş ekenın taǧy bır märte däleldegenın atap öttı.
Sondai-aq Aida Balaeva jobaǧa qoldau körsetken Halyk Bank pen basqarma töraǧasy Ümıt Şaiahmetovana alǧys bıldırdı.
Ūlttyq mädeniet pen ruhaniiatty qoldauǧa baǧyttalǧan mūndai ırı jobalar – eldıŋ mädeni damuyna qosylǧan maŋyzdy üles. Halyq pen öner arasyndaǧy altyn köpırge ainalǧandaryŋyz üşın zor rizaşylyǧymdy bıldıremın, – dedı ministr.
Ministr sondai-aq jobaǧa qatysqan şyǧarmaşylyq ūjymdarǧa, mädeniet salasynyŋ qyzmetkerlerıne, öŋır äkımdıkterıne jäne önersüier qauymǧa alǧys aitty. Onyŋ sözınşe, aldaǧy uaqytta mūndai bastamalarǧa özge de bankter men demeuşıler qoldau körsetedı degen senım bar.
