Reseidıŋ memlekettık dumasy eldıŋ Qaruly küşterı men basqa da äskeri qūrylymdarynda kelısımşart negızınde qyzmet atqaryp jatqan şetel azamattaryn deportasiialauǧa tyiym salatyn zaŋ jobasy bırauyzdan qabyldandy, dep habarlaidy «Adyrna» tılşısı.
Qūjat mūndai azamattarǧa qatysty deportasiia, readmissiia (qaita qabyldau), uaqytşa bolu merzımın qysqartu, uaqytşa tūruǧa rūqsatty, tūruǧa yqtiiarhatty, patenttı nemese jūmys ısteuge rūqsatty beruden bas tartu, sondai-aq olardy joiu nemese küşın joiu turaly şeşım qabyldauǧa tyiym saludy közdeidı. Būdan bölek, būǧan deiın qabyldanǧan osyndai şeşımderdıŋ küşı joiylyp, olar oryndaluǧa jatpaidy.
«Būl adamdar ısımen Reseige degen adaldyǧyn körsettı. Sondyqtan memleket olardyŋ tūraqty ärı ädıl jaǧdaida qyzmet etuıne jaǧdai jasap, Resei Federasiiasynyŋ qorǧanys qabıletın nyǧaituǧa üles qosuyna mümkındık berudı jalǧastyrady»,– dep atap öttı Memlekettık dumanyŋ Tambov oblysynan sailanǧan deputaty Tamara Frolova.
Duma sondai-aq Reseiden ketken azamattardyŋ mülkın qamauǧa aluǧa rūqsat berdı. 26 mamyrda Resei parlamentı elden ketken azamattardyŋ äkımşılık qūqyqbūzuşylyqtar boiynşa aiyppūldaryn öteudı qamtamasyz etu maqsatynda olardyŋ mülkın sot arqyly tärkıleuge (qamauǧa aluǧa) mümkındık beretın zaŋ jobasyn bırauyzdan qoldady. Būl sanatqa, atap aitqanda, «şetel agentı» qyzmetın oryndau tärtıbın būzu, ekstremistık materialdardy daiyndau jäne taratu, jalǧan aqparat taratu jäne BAQ erkındıgın terıs paidalanu, sondai-aq «jaǧymsyz ūiymdardyŋ» qyzmetıne qatysu jatady.
13 mamyrda Memlekettık duma Putinge Resei azamattaryn şetelde qamauǧa alu, ūstau nemese qylmystyq qudalau jaǧdaiynda olardy qorǧau maqsatynda basqa elderge äsker engızuge rūqsat beretın zaŋdy maqūldaǧan. Atap aitqanda, būl Resei qatyspaityn sottar nemese Mäskeu moiyndamaityn halyqaralyq instansiialar tarapynan bolǧan jaǧdailarǧa qatysty. Būǧan deiın prezident tek Reseidıŋ müddelerıne nemese qoǧamdyq qūqyq tärtıbınıŋ negızderıne qaişy şeşımderge jauap retınde ǧana äsker jıbere alatyn.
