QR Parlamentı Mäjılısı deputaty Qazybek İsa Mäjılıstıŋ otyrysynda qandastardan qazaq tılınen emtihan tapsyrudy talap etu - zaŋsyzdyq ekenın aityp, Ükımettıŋ üş ministrlıgınıŋ pilottyq jobasynyŋ qatelıgın äşkerelep berdı.
2026 jyly 28 mamyrda QR Parlamentı Mäjılısınıŋ jalpy otyrysynda Mäjılıs deputaty Qazybek İsa köşı-qon turaly mäselege orai Eŋbek ministrlıgın qataŋ synady. Bız deputat sözınıŋ videosy men jazbaşa tolyq nūsqasyn jariialap otyrmyz.
Qazybek İSA, QR Parlamentı Mäjılısınıŋ deputaty:
-Menıŋ sūraǧym Eŋbek jäne halyqty äleumettık qorǧau bırınşı vise-ministrı Erbol Tūiaqbaevtyŋ Köşı-qon mäselesıne bailanysty Azamattyq alu turaly sözınen tuyndap otyr.
Azamattyq alu üşın Memlekettık tılden emtihan tapsyrudy “Aq jol” partiiasy talai ret köterıp, Azat Peruaşev ekı ret, men üş ret deputattyq saual jasap jürıp, aqyry 2024 jyly men öz qolymmen ūsynyp, zaŋǧa engızdık. Būl zaŋdy Parlament qabyldap, Prezident qol qoidy!
Al osy Azamattyq alu turaly zaŋnyŋ 17 baby, 14 tarmaqşasynda aq qaǧazǧa qara siiamen, tasqa taŋba basqandai, soqyrǧa taiaq ūstatqandai etıp, memlekettık tılden emtihan tapsyru etnikalyq qazaqtarǧa qoldanylmaidy dep jazylǧan!
Al sızder ne ıstedıŋızder!?.
Üş ministrlık - Eŋbek ministrlıgı, Jasandy intellekt ministrlıgı jäne Işkı ıster ministrlıgı bırlesıp şyǧarǧan pilottyq jobada qandastarǧa memlekettık tılden emtihan tapsyrtyp qoiǧansyzdar! Sonda Parlament qabyldaǧan, Prezident qol qoiǧan zaŋdy üş ministrlık üstınen attap öte bere me?!. Būl üş ministrlık Parlamentten de, tıptı Prezidentten de küştı bolyp tūr ma?!.
Būl ne masqara?!.
Eger ömır boiy şetelde, mysaly Qytaida, taǧy basqa jerde basqa tıl, basqa alfavitte, arab pen latyn grafikasy älıpbiınde ömır sürgen qandastarymyzdan Qazaq tılınen emtihan alu kerek bolsa, eŋ aldymen osy emtihandy zaŋsyz talap etıp, eldı şulatqan pilottyq jobany şyǧarǧan 3 ministr: Eŋbek ministrı, Işkı ıster ministrı, Jasandy intellekt ministrınen emtihan alsa, olar da tapsyra almaidy şyndyǧyn aitsaq?!.
Keşe ǧana ötken senbıde 23 mamyr künı Almatyda qandastar köşıne tosqauyl qoiyp otyrǧan osy pilottyq jobanyŋ qisynsyzdyǧy turaly Düniejüzılık qazaqtar qauymdastyǧy filialynyŋ ūiymdastyruymen ülken jiyn boldy. Menı şaqyrǧan soŋ, arnaiy baryp qatystym, 150-dei adam keldı. Sonau Abai oblysyndaǧy Maqanşydan keldı adamdar mügedek balasyna Azamattyq ala almai jürgen. Bärı pilottyq jobanyŋ zaŋsyz kedergısın aityp zarlady. Köz jasyn köl etıp jylady söilei almai körgen qorlyǧyn aityp.
Jiynǧa qatysqan azamattar bırauyzdan qarsy şyǧuda negızsız test tapsyruǧa.
Onda Ükımet basşylary men ministrlerden, äkımderden, Qazaqstandaǧy barlyq Memlekettık qyzmetkerlerden bastau kerek memlekettık tılden emtihan aludy qandastardan būryn?! Sonda ädıl bolady!
Sondyqtan bız Ükımetke, Premerge pilottyq jobaǧa özgerıs engızu turaly jazbaşa deputattyq saual jıberdık. Al būl saualǧa Eŋbek ministrınen kelgen jauap külkılı! Men pilottyq jobanyŋ qatelıgın közge şūqyp körsetıp bersem, ministr maǧan pilottyq jobanyŋ erejesın salyp jıberıptı?..
Qandastardan qazaq tılınen test alu baryp tūrǧan zaŋsyzdyq!?.
Pilottyq jobaǧa özgerıs engızu kerek!
Eŋbek jäne halyqty äleumettık qorǧau bırınşı vise-ministrı Erbol Tūiaqbaev:
-Sūraǧyŋyzǧa rahmet Qazybek Jarylqasynūly.
Mynau pilottyq jobanyŋ maqsatyn aityp öttım, būl elge bılıktı kadrlardy tartu. Al zaŋnama jaǧyna keletın bolsaq, jaŋa spiker myrza atap ötkendei basqa da zaŋ jobasy būl zaŋda qarastyrylmaǧan. Ol jeke paketpen äzırlenıp jatyr. Sūraqtardy qosymşa sol jaqta talqylaiyq jūmys toby şeŋberınde. Bız oǧan daiynbyz. Rahmet!
Tolyq nūsqany sıltemeden oqi alasyzdar.
