AQŞ-taǧy Djordjiia ştatynyŋ Atlanta qalasynda tūratyn student, älemnıŋ 25 tılınde erkın söileitın poliglot qyz qazaq jıgıtıne jar boludy armandaidy. Būl jaily amerikalyq qyz "el.kz" portalyna bergen sūhbatyndaǧy äŋgıme arasynda oraiyn keltırıp, aityp qaldy. Onyŋ qazaq tılıne degen qūrmetı "jüregımnıŋ iesı de qazaq jıgıtı bolsa eken" degen armanyna jol aşqan. Qyzdyŋ esımı – Kemeron. Qazaqşa aty – Aibala. Qazaq tılınde emın-erkın söileidı.
"El.kz"-tıŋ habarlauynşa, onyŋ Qazaq elıne degen airyqşa qyzyǧuşylyǧy Qyzylorda qalasynan bala asyrap alu sapary turaly jazǧan bıreudıŋ kıtabyn oqyǧannan keiın oianǧan. Qazaq tılıne jäne salt-dästürıne degen yqylasy artqan.
«Osy kıtapty oqyǧannan keiın aldymda bır maqsat tūrdy. Qazaq tılın 2020 jyldyŋ qaŋtarynda üirendım. Bügınde erkın söilei alamyn. Onlain arqyly da üirenuge bolady. Menıŋ oiymşa, qazaq tılınde söileitınder türkı halyqtarynyŋ tılın oŋai üirene alady», – deidı.Sondai-aq, ol özı meŋgergen 25 tıldıŋ ışınde bır-bırıne ūqsas keletın tıldı atap öttı. Iаǧni, üirenuge kelgende qiyndyq soqpaǧanyn aitty.
«Ūqsas tıldıŋ ışınde qazaq, iakut, qyrǧyz, özbek, ūiǧyr siiaqty türkı tılderı bar. Bıreuın bılseŋız, ekınşısın üirenu öte oŋai. Al üirenuge qiyndyq tudyrǧan tıldıŋ keibırı aityluy, alfavit jäne grammatika jaǧynan boldy», – dedı ol.Amerikalyq student özı siiaqty qatarlastaryna tıl üirenu kezınde ana tılınde söileitındermen jiı täjıribe almasu asa maŋyzdy ekenın aitady.
«Sol arqyly özge tıldı üirenudıŋ ärdaiym paidasy bar. Qazaqstanda tūratyn qazaqtar mındettı türde öz tılın bılu qajet. Öitkenı, qazaq tılınıŋ bailyǧy öte köp. Men ony tıl üirenu barysynda tüsındım», – deidı Aibala.Ol qazaq tılın bılse de, Qazaqstanǧa älı kelıp körmegen eken. Alaida bolaşaqta Qyzylorda nemese Saryǧaşta tūrǧysy keledı.
Aibala bügıngı taŋda islam dının qabyldaǧan jäne qazaq jıgıtıne tūrmysqa şyǧuǧa niettı. Ony qazaq jıgıtterınıŋ ör tūlǧasy men alyp qaşu siiaqty salt-dästür erekşe qyzyqtyrady eken. Bolaşaqta qazaqtyŋ dästürımen toi jasaudy qalaidy. Amerikalyq student äleumettık jelıde öte belsendı. Qazaqşa videosyn körgen jelı qoldanuşylary oǧan rizaşylyǧyn bıldırıp, aq tılegın jaudyrtuda. «Qazaqşaŋyz öte jaqsy eken», «Elımızde tūratyn özge ūlttardan jäne qazaqtardan jaqsy söileisız», «Kelseŋ, kütıp alamyz», – dep jazuda jelı qoldanuşylary.«Qazaq tılın bılsem de, qazaq jerıne baryp körmedım. Aldaǧy uaqytta mındettı türde josparlap otyrmyn. Sebebı qazaq dostarym öte köp jäne qazaq elın qatty qūrmetteimın. Mädenietıne, salt-dästürıne qyzyǧamyn. Tabiǧaty da sūlu. Dämdı-taǧamy men qonaqjailyǧy bır de töbe», – deidı poliglot student.
"Adyrna" ūlttyq portaly
Ūqsas jaŋalyqtar
