Gamburg tūrǧyndarynyŋ basym bölıgı 31 mamyrda ötken referendumda qalada Olimpiada oiyndaryn ötkızu ideiasyn qoldamady, dep habarlaidy «Adyrna» tılşısı DW-ge sılteme jasap.
Dauystardy tüpkılıktı sanau aiaqtalmai tūryp-aq Gamburgtıŋ bırınşı burgomistrı Peter Chencher dauys beru nätijesınıŋ aiqyn ekenın mälımdedı. Soŋǧy derekter boiynşa, dauys bergenderdıŋ 54,9%-y Olimpiada oiyndaryn ötkızuge qarsy bolsa, 45,1%-y būl bastamany qoldaǧan.
Chencher Germaniianyŋ sport salasyndaǧy resmi ökılderıne «Gamburg Olimpiada oiyndaryn ötkızuge bergen ötınımın qaitaryp alatynyn» habarlady. Sonymen qatar ol referendum qorytyndysy bilık üşın mındettı türde oryndaluy tiıs şeşım ekenın atap öttı.
Referendumda dauys beru qūqyǧyna 16 jastan asqan 1 315 800 Gamburg tūrǧyny ie boldy. Sailau komissiiasynyŋ mälımetınşe, olardyŋ şamamen 650 myŋy nemese 49,5%-y dauys bergen.
Eske salaiyq, 2015 jyly da qala tūrǧyndary Olimpiadaǧa ötınım beruge qarsy şyqqan edı. Sol kezde referendumǧa qatysqandardyŋ 51,6%-y qarsy dauys berse, 48,4%-y qoldau bıldırgen.
Gamburgtıŋ 2036, 2040 nemese 2044 jyldardaǧy jazǧy Olimpiada jäne Paralimpiada oiyndaryn ötkızuge arnalǧan ötınımı kerı qaitarylǧannan keiın Germaniia atynan ümıtker märtebesı üşın Miunhen, Berlin jäne ortalyǧy Kioln qalasynda ornalasqan Rein–Rur öŋırı baq synaidy. Tüpkılıktı şeşımdı Germaniia Olimpiadalyq sport odaǧy (DOSB) 26 qyrküiekte qabyldaidy.
