Bügın Halyqaralyq balalardy qorǧau künınde oblys äkımı Mūrat Ergeşbaev, QR Parlamentı Senaty men Mäjılısınıŋ deputattary Ruslan Rüstemov, Marhabat Jaiymbetov, ziialy qauym ökılderı men el aǧalary Memleket basşysynyŋ qoldauymen salynǧan Botanikalyq baqtyŋ aşylu räsımıne qatysty.
Mereke künı jetkınşekterge tartu etılgen Botanikalyq baq Prezident saiabaǧy aumaǧynda ornalasqan. Bas merdıger - «Alem Qurylys AQ» JŞS. Qūrylysyna 4,9 mlrd teŋge bölıngen, nysannyŋ ırgetasy byltyr qyrküiek aiynda sol kezdegı aimaq basşysy Nūrlybek Nälıbaevtyŋ bastamasymen qalanǧan bolatyn.
Aşylu räsımınde oblys äkımı Mūrat Nälqojaūly balalardy merekemen qūttyqtap, Botanikalyq baq jūmysy jetkınşekterdıŋ tiımdı demalysyn ūiymdastyruǧa jäne tyŋ jobalardy jüzege asyruǧa baǧyttalǧanyn atap öttı.
«Barşaŋyzdy 1 mausym – Halyqaralyq balalardy qorǧau künı merekesımen şyn jürekten qūttyqtaimyn! Bala – bızdıŋ basty bailyǧymyz. Bılımdı, denı sau, ūltjandy ūrpaq tärbieleu – barşamyzdyŋ ortaq paryzymyz.
Prezidentımız Qasym-Jomart Kemelūly: «Ūl-qyzdarymyzdyŋ parasatty, jan-jaqty bolyp ösuıne jaǧdai jasau, jas azamattarymyzdyŋ qūqyǧyn qorǧap, densaulyǧyn saqtau – memleketımızdıŋ basty mındetı», – degen bolatyn.
Bügın Prezident saiabaǧynyŋ aumaǧynan aşylǧan Botanikalyq baq – osy auqymdy bastamanyŋ aimaǧymyzdaǧy naqty ärı jemıstı körınısı. Baq ışıne Qytai, Oŋtüstık Afrika, Japoniia, Oŋtüstık jäne Ortalyq Amerikada ösetın jasyl jelek egıldı. Osy arqyly jas jetkınşekterge ösımdıkterdıŋ ekojüiedegı maŋyzy tüsındırıledı. Būl jai ǧana balalar seruendeitın saiabaq emes, tabiǧat pen ǧylymdy ūştastyratyn, ekologiialyq mädeniettı qalyptastyratyn köpfunksionaldy keşen bolmaq. Balalarymyz osy jerde tabiǧatpen tıldesıp, eko-jauapkerşılıktıŋ, eŋbekqorlyqtyŋ şynaiy ülgısın köredı. Osy baqtan bızdıŋ aimaqtyŋ ǧana emes, bükıl elımızdıŋ ekologiiasyn zertteitın bolaşaq ǧalymdar, biologtar men agronomdar şyǧady dep senemız», – dedı Mūrat Nälqojaūly.
Räsımde Ruslan Rüstemov, Marhabat Jaiymbetov qūttyqtau söz söiledı. Bılım beru salasynyŋ damuyna eleulı üles qosqan ūstazdar men jaŋa nysan qūrylysyn merzımınde aiaqtaǧan merdıger mekeme qyzmetkerlerı oblys äkımınıŋ Alǧys hatymen marapattaldy.
Botanikalyq baq – ekologiialyq tanymdy, turizmdı damytuǧa jäne jaŋa qoǧamdyq keŋıstıkter qūruǧa baǧyttalǧan zamanaui köpfunksionaldy keşen. Jalpy audany 1500 şarşy metr bolatyn ekı jylyjaiǧa Afrika, Oŋtüstık Amerika, Avstraliia, Japoniia, Qytai jäne Madagaskar siiaqty älemnıŋ är aimaǧynan 92 türlı 3300-den astam ösımdık egılgen. Veerlı palma, Kanar qūrmasy, kaktus pen aloe, vaşingtoniia palmasy, strelisiia, jakaranda, alyp iukka, maqta aǧaşy, bambuk, sändık ösımdıkter, kariota jaiqalyp tūr. Būl ösımdıkter güldegende hoş iısı aŋqyp, qyzǧylt sary, kögıldır, külgın siiaqty aluan tüske boialady.
Ösımdıkterge qolaily jaǧdai jasau üşın mikroklimatty avtomatty basqaru, suaru jäne su daiyndaudyŋ zamanaui injenerlık jüielerımen jabdyqtalǧan.
Botanikalyq baq ösımdıkterdıŋ bıregei türlerı ösetın oryn ǧana emes, ekologiialyq mädeniettıŋ, bılım berudıŋ jäne ışkı turizmnıŋ damuyna qyzmet etetın, aimaq tūrǧyndary men qonaqtary jiı bas qosatyn mekenge ainalady.
Mūnda studentter, mektep oquşylarynyŋ, tabiǧat janaşyrlarynyŋ tanymyn keŋeituge barlyq jaǧdai jasalǧan. Botanikalyq baqtyŋ erekşe atmosferasy keluşılerge jailylyq syilaidy.
Aita keteiık, Memleket basşysynyŋ qoldauymen Syr öŋırınde keiıngı tört jylda 46 zamanaui bılım beru nysany tabystaldy.
«Keleşek mektepterı» ūlttyq jobasy aiasynda 10 jaŋa mektep salyndy. Fizika-matematika baǧytyndaǧy «Bılım-innovasiia» lisei-internaty, muzykalyq kolledjdıŋ jaŋa oqu ǧimaraty men jataqhanasy paidalanuǧa berıldı. «Oquşylar saraiy», «Syr jūldyzdary» akademiiasy, Jalaǧaş, Jaŋaqorǧan, Şielı audandaryndaǧy «Oquşylar üiı» men «Öner mektepterı» jas jetkınşekterdıŋ şyǧarmaşylyq, ziiatkerlık äleuetın arttyruǧa qyzmet etude. Jaqynda ǧana jyl boiy üzdıksız qyzmet körsetetın «AI-KERIM» oqu-sauyqtyru ortalyǧy balalar igılıgıne ainaldy.
