Şyǧys Qazaqstan oblysynyŋ äkımı Nūrymbet Saqtaǧanov özınıŋ būrynǧy orynbasary Jaqsylyq Omarǧa qatysty ükım zaŋdy küşıne engennen keiın otstavkaǧa ketu turaly ötınış bergen. Alaida otstavka qabyldanbaǧan. Būl turaly ŞQO äkımı baspasöz hatşysy Laura Jaqypova aitty, dep habarlaidy «Adyrna» tılşısı.
3 säuırde Jaqsylyq Omar alaiaqtyq jäne para alu boiynşa kınälı dep tanylǧan. Sot oǧan mülkın tärkılei otyryp, alty jyl bas bostandyǧynan aiyru jazasyn taǧaiyndaǧan. 20 mamyrda Şyǧys Qazaqstan oblystyq sotynyŋ alqasy bırınşı instansiia ükımın özgerıssız qaldyrǧan, ol zaŋdy küşıne engen.
Zaŋǧa säikes, qyzmetkerı sybailas jemqorlyq qylmysy üşın sottalǧan jaǧdaida onyŋ basşysy ükım zaŋdy küşıne engennen keiın 10 kün ışınde otstavkaǧa ketu turaly ötınış beruge mındettı.
«Qoldanystaǧy zaŋnamaǧa säikes, Şyǧys Qazaqstan oblysynyŋ äkımı Nūrymbet Saqtaǧanov belgılengen tärtıppen özınıŋ otstavkaǧa ketu turaly ötınışın bergen. Ötınıştı qarau qorytyndysy boiynşa ıske qatysy joq ekenı eskerılıp, ony qanaǧattandyrudan bas tartu turaly şeşım qabyldandy», – dedı Laura Jaqypova.
Ol sondai-aq öŋır äkımı oblystyŋ äleumettık-ekonomikalyq damuy baǧytyndaǧy barlyq jūmysty qalypty rejimde jalǧastyryp jatqanyn atap öttı.
Nūrymbet Saqtaǧanov Şyǧys Qazaqstan oblysyn 2025 jylǧy 17 aqpannan berı basqarady. Būǧan deiın ol öŋır äkımınıŋ bırınşı orynbasary qyzmetın atqarǧan. Al Jaqsylyq Omar 2025 jylǧy 7 säuırden bastap Şyǧys Qazaqstan oblysy äkımınıŋ bırınşı orynbasary qyzmetın atqarǧan.
