Amerikalyq jazuşy ärı audarmaşy Jeik Zavlaski qazaqtyŋ körnektı aǧartuşysy, ǧalymy jäne qoǧam qairatkerı Ahmet Baitūrsynūlynyŋ «Masa» atty öleŋder jinaǧyn aǧylşyn tılıne audaryp, jeke kıtap retınde basyp şyǧardy, dep habarlaidy "Adyrna".
Turkystan.kz basylymynyŋ jazuynşa, Ortalyq Aziia mädenietın ūzaq jyldar zerttegen audarmaşy būǧan deiın Qazaqstan, Qyrǧyzstan jäne Moŋǧoliiada tūryp, öŋırdıŋ tarihy men ädebietıne qyzyǧuşylyq tanytqan.
Audarmaşynyŋ aituynşa, ol qazaq mädenietımen tanysqannan berı Alaş qozǧalysyna erekşe qyzyǧuşylyq tanytyp keledı. Sondyqtan Alaş qairatkerlerınıŋ bırınıŋ şyǧarmasyn aǧylşyn tılıne audarudy maqsat etken.
«Men üşın Alaş qairatkerlerı – öz zamanynan oza tuǧan tūlǧalar. Olar qazaq ūltynyŋ bolaşaǧyn erte boljai bıldı jäne mädeniettı jaŋa deŋgeige köteruge küş saldy. Sol sebeptı olardyŋ mūrasyn şetel oqyrmanyna tanystyrudy jön kördım», – deidı Jeik Zavlaski.
Onyŋ sözınşe, «Masa» jinaǧyn audaru barysynda bırqatar qiyndyqtar kezdesken. Äsırese qazaq poeziiasyndaǧy tıldık erekşelıkter men köne sözderdıŋ moldyǧy jūmysty kürdelendırgen.
«Ahmet Baitūrsynūly qazaq tılınıŋ mümkındıgın şeber paidalanady. Al aǧylşyn tılıne audarǧanda öleŋnıŋ ūiqasy men qūrylymyn tolyq saqtau mümkın bolmady. Keide tüpnūsqanyŋ ideiasyn jetkızu üşın öleŋ joldaryn qaita qūruǧa tura keldı», – deidı audarmaşy.
Jeik Zavlaski audarmany älemge qazaq ädebietın tanytudyŋ maŋyzdy joly dep sanaidy. Onyŋ pıkırınşe, «Masa» jinaǧy bügıngı künı de özektılıgın joǧaltqan joq.
«Menı Ahmet Baitūrsynūlynyŋ bılım, sauattylyq, ūlttyq abyroi jäne özın-özı basqaru mäselelerın tabandy türde kötergenı täntı etedı. Mūndai ideialar qazırgı qoǧam üşın de maŋyzdy. Sondyqtan būl şyǧarma Qazaqstanda ǧana emes, älemnıŋ tükpır-tükpırınde oqylyp, zertteluı kerek», – deidı ol.
Qazır San-Diego universitetınde därıs beretın audarmaşy būl eŋbek arqyly aǧylşyn tıldı oqyrmandardyŋ qazaq ädebietıne qyzyǧuşylyǧyn arttyrudy közdeitının atap öttı. Onyŋ ümıtınşe, «Masa» jinaǧyn oqyǧan şeteldık oqyrmandar qazaq ädebietı men tarihyn tereŋırek tanuǧa yntalanady.
